Пайомадҳои COVID-19 дар Тоҷикистон ва ҷаҳон
Авохири моҳи декабри соли 2020 мақомоти Чин аз бурузи маризии илтиҳоби шуш бо нишонаҳои номаълум дар шаҳри Вуҳан хабар доданд.

Арабистон зоирони эмнашударо роҳ намедиҳад: тақдири ҳоҷиёни тоҷик чӣ мешавад

© REUTERS / Saudi Press AgencyВерующие в мечети аль-Харам в Мекке молятся в священную "ночь силы" на фоне эпидемии коронавируса
Верующие в мечети аль-Харам в Мекке молятся в священную ночь силы на фоне эпидемии коронавируса  - Sputnik Тоҷикистон, 1920, 02.03.2021
Ҳукумати Арабистони Саудӣ барои мусалмононе, ки хоҳиши зиёрати хонаи Худоро доранд, шарти нав гузошт
ДУШАНБЕ, 2 мар — Sputnik. Мусалмонон ҳамакнун имкони зиёрат кардани хонаи Худоро дарёфт карданд, вале ба як шарт, хабар медиҳад ТАСС бо истинод ба рӯзномаи "Указ".
Ҳукумати Арабистони Саудӣ ба мусалмононе, ки алайҳи маризии коронавирус эм гирифтаанд, иҷозати ҳаҷ медиҳад.
"Шарти асосии адо намудани ҳаҷ ин эм гирифтан аст", - изҳор намудааст вазири тандурустии ин кишвар Тауфиқ ар Рабия.
Интизор меравад, Ҳаҷи акбар мобайнҳои моҳи июли соли ҷорӣ сурат гирад. Соли гузашта дар робита ба паҳншавии коронавирус танҳо 10 ҳазор нафар имкони адо намудани ҳаҷро ба даст оварданд, ки 30 фисади онҳо шаҳрвандони Саудӣ буда, 70 дарсади дигарро шаҳрвандони хориҷӣ ташкил доданд.
Родственники провожают паломников в хадж - Sputnik Тоҷикистон, 1920, 10.02.2021
Мавсими Ҳаҷ - 2021 баргузор мешавад ё на: посухи Кумитаи дин
Қаблан, роҳбари Кумитаи дини Тоҷикистон зимни нишасти хабарӣ шарҳ дод, ки ҳоло дақиқан маълум нест, кай зоирони тоҷик имкони зиёрати хонаи Худоро дарёфт мекунанд.
Ба таъкиди ӯ, Тоҷикистон ҳоло дар рӯйхати сабз қарор дорад ва бо беҳ шудани вазъи ҳамагирӣ, зойирони тоҷик имкони адои маросими ҳаҷро пайдо мекунанд.
Қаблан гуфта мешуд, ки аз нимаҳои дуюми моҳи январи соли ҷорӣ аввалин гурӯҳи шаҳрвандони Тоҷикистон ба Ҳаҷҷи умра сафар мекунанд.
Вале, пас аз бурузи навъҳои нави коронавирус, ҳукумати он кишвар тасмим гирифт, муваққатан рафтуомади зоиронро барои адои Ҳаҷ манъ кунад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала