Ҷаримаи падаре, ки нагузошт духтараш таҳсил кунад: гуфтааст, шароит надорад

© Sputnik / Руслан КривобокМолоток судьи, архивное фото
Молоток судьи, архивное фото - Sputnik Тоҷикистон, 1920, 02.03.2021
Обуна шудан
Додгоҳи шаҳри Бохтар ҳукми падареро, ки барои таҳсили духтараш монеа эҷод мекард, содир кардааст
ДУШАНБЕ, 2 мар — Sputnik. Тибқи иттилои дафтари матбуотии додгоҳ, парвандаи ҷиноятии Раҷабов Абдукарим Маҳмадшарифович бо моддаи 164 КҶ Ҷумҳурии Тоҷикистон ба суди шаҳри Бохтар ворид шуда, тафтишоти судӣ муаян кард, ки номбурда бар хилофи талаботи моддаҳои 41 ва 46-и қонунгузорӣ "дар бораи масъулияти падару модар дар таълиму тарбияи фарзанд" амал намудаааст.
Молоток судьи - Sputnik Тоҷикистон, 1920, 06.06.2020
Коронавирус дар Русия ва ҷаҳон: охирин хабару гузоришҳо
Парвандаи волидон: надонистани қонун ё далели камбизотӣ?
Ба иттилои манбаъ, номбурда барои гирифтани таҳсилоти ҳатмии асоси нуҳсолаи фарзанди ноболиғаш Раҷабова Майрамби Абдукаримовнаи 16-сола, ки то синфи 8-ум дар мактаби №42-и шаҳри Кулоб таҳсил карда, минбаъд давоми таҳсилоташро дар муасисаи миёнаи умумии №7-и шаҳри Бохтар идома дода, ба синфи 9-ум гузаштааст, монеъ шудааст.
Манбаъ мегӯяд, Раҷабов далели ин корашро паст будани шароити зиндагиаш унвон кардааст.
Гуфта мешавад, Раҷабов Абдукарим  аз 17 авагусти соли 2020 то инҷониб нагузоштааст, ки духтараш  таҳсилоти ҳатмии асосии нуҳсоларо идома диҳад, ки дар натиҷа номбурда аз гирифтани таҳсилот то айни замон дур  монда, соли хониши 2020-2021 умуман таҳсил накардааст.
Шароит надоранд, ё қонунро намедонанд? 30 парванда алайҳи волидон дар Суғд
Додгоҳ барои чунин амалкард Раҷабов Абдукарим Маҳмадшарифовичро дар содир кардани ҷинояти бо моддаи  164-и қонунгузорӣ гунаҳгор дониста, бо дастрасии моддаи 63-и КҶ Тоҷикистон ба андозаи 150 нишондиҳанда барои ҳисобҳо баробар ба 9000 сомонӣ ҷарима бастааст.
Ёдовар мешавем, соли гузашта дар шимоли кишвар низ барои чунин ҳолатҳо даҳҳо парвандаҳои ҷиноятӣ нисбат ба волидайни ноболиғон кушода шуда буд.
Лентаи хабарҳо
0