Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред

Раиси фурудгоҳи Внуково гуфт, кай парвозҳо миёни Тоҷикистону Русия барқарор мешавад

CC0 / Pixabay / Самолет на закате, архивное фото
Самолет на закате, архивное фото - Sputnik Тоҷикистон, 1920, 03.03.2021
Фурудгоҳи Внуково интизор аст, ки парвозҳо ба кишварҳои ИДМ, алахусус, Ӯзбекистон ва Тоҷикистон аз моҳи апрел-май ифтитоҳ мешаванд
ДУШАНБЕ, 3 мар — Sputnik. Дар ин бора Виталий Вантсев, раиси Шӯрои директорони ҶСК "Фурудгоҳи байналмилалии Внуково, хабар додааст, менависад ТАСС.
Самолет авиакомпании Сомон Эйр, архивное фото - Sputnik Тоҷикистон, 1920, 15.02.2021
Тоҷикистон ба барқарор кардани парвозҳо бо Русия омода аст
Номбурда гуфтааст, ки хатсайрҳои масири Тоҷикистон ва Ӯзбекистон аз бозорҳои калон ва сердаромаданд ва бо беҳ шудани вазъи эпидемиологӣ интизори кушодани парвозҳои мунтазаманд.
"Мо интизор ҳастем, ки аз апрел-май шарикони мо - кишварҳои ИДМ, пеш аз ҳама Ӯзбекистон ва Тоҷикистон кушода мешаванд. Вазъи эпидемиологӣ дар он ҷо нисбат ба мо беҳтар аст ва дар айни замон он дар кишвари мо низ мӯътадил шуда истодааст. Аз ин рӯ, умедворем, ки ин ду бозор барои мо боз хоҳад шуд”, - гуфт Виталий Вантсев.
Вазир: Русия барои роҳандозии парвозҳо ягон шарт нагузоштааст
Ҳамаи парвозҳои байналмилалӣ аз Русия, ба гуфтаи Вантсев, то август-сентябр кушода мешаванд. Имсол эҳёи комили бозори нақлиёти ҳавоиро набояд интизор дошт, "аммо мо соли ояндаро бесаброна интизорем", - афзуд ӯ. Дар ин самт сатҳи эмгузаронии аҳолӣ нақши муҳим хоҳад дошт, бовар дорад соҳибкор.
Вантсев дар посух ба савол дар бораи натиҷаҳои молиявии Внуково барои соли 2020 гуфт: "Мо соли гузаштаро бидуни фоида ба анҷом расондем, аммо бе зиён". 
Мувофиқи натиҷаҳои соли гузашта, Внуково аз рӯи гардиши мусофирон севумин фурудгоҳи Федератсияи Русия мебошад. Бузургтарин пойгоҳи ширкатҳои ҳавопаймоӣ дар фурудгоҳ - "Победа" и Utair будаанд.
Тоҷикистон парвозҳои мунтазамро бо ду кишвар аз сар гирифт
Ӯ ҳамзамон гуфтааст, ки фурудгоҳ нақша дорад, дар соли 2021 ҳадди аққал ба 14 миллион мусофир хидмат расонад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала