Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред

Қуллаи шаш ҳазор метра дар Бадахшон ба номи академик Раҳим Масов гузошта шуд

© Facebook / Рахим Масович Масов Академик Рахим Масов
 Академик Рахим Масов - Sputnik Тоҷикистон, 1920, 03.03.2021
Яке аз қуллаҳои баланди деҳаи Лангари ноҳияи Ишкошими Вилояти Мухтори Кӯҳистони Бадахшон номи Раҳим Масовро гирифт
ДУШАНБЕ, 3 мар — Sputnik. Қуллае бо баландии шаш ҳазор метр дар ҳудуди деҳаи Лангари ноҳияи Ишкошим ба номи академик Раҳим Масов гузошта шуд, иттилоъ додааст сомонаи рӯзномаи давлатии “Ҷумҳурият”.
Гуфта шудааст, ки ин иқдом дар асоси тасмими иҷлосияи навбатии маҷлиси вакилони мардуми ноҳияи Ишкошими ВМКБ амалӣ гардид.
Горы в  Таджикистане, архивное фото - Sputnik Тоҷикистон, 1920, 28.02.2021
Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон
Раҳим Масов аз маъруфтарин таърихнигорони тоҷик буда, муаллифи китобҳои "Таърихи тақсимоти табарӣ" (бо номи “Таърихи табартақсим” машҳур аст), “Тоҷикон: таърих таҳти муҳри “қатъиян сиррӣ”, “Тоҷикон: фишор ва иқдом” ва дигар китобу мақолаҳост.
Бояд қайд кард, ки ахиран Ҳукумати Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст.
Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.
Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.
Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала