Парлумон даври дуюми лоиҳаи навсозии НБО "Норак"-ро тасдиқ кард

© Sputnik / Игорь Михалев / Гузариш ба медиабонкНурекская ГЭС
Нурекская ГЭС - Sputnik Тоҷикистон, 1920, 09.03.2021
Обуна шудан
Парлумони Тоҷикистон лоиҳаи барқарорсозии неругоҳи барқи обии Норак марҳилаи II-ро ҷонибдорӣ кард
ДУШАНБЕ, 9 мар — Sputnik. Имрӯз таҳти раёсати hаиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ҷаласаи Шӯрои Маҷлиси намояндагон баргузор гардид, иттилоъ додааст дафтари матбуоти Маҷлиси намояндагони кишвар.
Нурекская ГЭС, архивное фото - Sputnik Тоҷикистон, 1920, 30.06.2020
Бонки ҷаҳонӣ барои бозсозии НБО Норак пул медиҳад
Гуфта шудааст, ки раиси кумитаи Маҷлиси намояндагон оид ба иқтисод ва молия Файзулло Машрабзода зимни баррасии "Созишнома оид ба маблағгузорӣ (Лоиҳаи барқарорсозии неругоҳи барқи обии Норак, марҳилаи II) байни Тоҷикистон ва Ассотсиатсияи Байналмилалии Рушд" иброз дошт, ки санади мазкур моҳи декабри соли 2020 дар шаҳри Душанбе ба имзо расидааст.
Ҳадафи лоиҳа барқарор ва зиёд намудани иқтидори истеҳсолии 6 гидроагрегати НБО-и  "Норак" ва баланд бардоштани самаранокии онҳо мебошад.
Дар ҷаласаи мазкур зикр шудааст, ки НБО-и "Норак" солҳои 70-уми асри гузашта ба истифода дода шуда, айни замон таҷҳизоти он кӯҳнаву фарсуда гашта, ниёз ба таҷдиду навсозӣ доранд. Дар робита ба ин, бо дастгирии молиявии Бонки ҷаҳонӣ ва ҷалби ширкати мушовирии "Tractebel Engineering S.A." солҳои 2015-2016 Асосноккунии техникӣ-иқтисодии лоиҳаи таҷдиди Неругоҳи барқи обии "Норак"  ва таъмини бехатарии садди он омода карда шудааст.
Нурекская ГЭС - Sputnik Тоҷикистон, 1920, 06.06.2019
Омодагии Тоҷикистон ба оғози кори давраи дуюми лоиҳаи навсозии НБО Норак
Манбаъ иттилоъ додааст, ки марҳилаи якуми лоиҳа аз 3 қисм – иваз намудани 3 адад агрегат ва таҷҳизоти ёрирасони онҳо, иваз намудани автотрансформаторҳо (6 адад автотрансформаторҳои якфазаи 220/500 кВ) ва таъмини бехатарии  садд иборат буда, муҳлати татбиқи он давоми 5 сол (солҳои 2019-2023) пешбинӣ гардидааст.
То имрӯз барои маблағгузории марҳилаи якуми лоиҳа 326,9 миллион доллар ҷалб гардидааст, ки аз он 169,1 миллион доллар қарз ва 57,8 млн. доллар гранти Бонки ҷаҳонӣ, ки 60,0 миллион доллар қарзи Бонки Осиёии Сармоягузориҳои Инфрасохторӣ ва 40,0 миллион доллар қарзи Бонки Авруосиёии Рушд мебошад.
Марҳилаи дуюми лоиҳа таҷдиди 6 агрегати боқимонда ва таъмири асосии қисмҳои обгузари гидротурбинаҳо, иваз намудани  трансформаторҳои баландкунандаи шиддат, иваз намудани дастгоҳи тақсимкунандаи 6 кВ дар толори мошинҳо ва механизмҳои борбардор бо тавоноии 360 т. ва дигар таҷҳизоти зарурии ёрирасонро дар бар гирифта, давоми 5 сол (солҳои 2024-2028) бо арзиши 148,6 миллион доллар татбиқ хоҳад гардид.
Лентаи хабарҳо
0