Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред

Сироҷиддин Муҳриддин бо вазири қирғиз марзу ҳамкориҳоро баррасӣ карду ӯро ба Душанбе хонд

© Sputnik / © Sputnik / Амир ИсаевМинистр иностранных дел Таджикистана Сироджиддин Мухриддин
Министр иностранных дел Таджикистана Сироджиддин Мухриддин - Sputnik Тоҷикистон, 1920, 10.03.2021
Вазири корҳои хориҷии Тоҷикистон Сироҷиддин Муҳриддин бо вазири корҳои хориҷии Қирғизистон Руслан Казакбоев зимни як гуфтугӯи телефонӣ ҳамкориҳои дуҷониба ва масъалаи марзиро баррасӣ кардааст
ДУШАНБЕ, 10 мар – Sputnik. Тибқи иттилои дафтари матбуотии ин ниҳод, зимни сӯҳбат сарони вазоратҳои корҳои хориҷии Тоҷикистон ва Қирғизистон дар фазои дӯстӣ ва ҳамдигарфаҳмӣ масъалаҳои мубрами ҳамкориҳои дуҷониба, инчунин рӯзномаи минтақавӣ ва байналмилалиро муҳокима карданд.
Новоизбранный премьер-министр Садыр Жапаров - Sputnik Тоҷикистон, 1920, 04.03.2021
Ҷабборов бо сафари расмӣ ба Тоҷикистон меравад
Бо дарназардошти чорабиниҳои дарпешистодаи имсол, ҷонибҳо оид ба ташкили чорабиниҳо дар сатҳҳои олӣ, аз ҷумла дар доираи мулоқоти машваратии сарони давлатҳои Осиёи Марказӣ, нишастҳои СААД ва СҲШ мубодилаи афкор карданд.
Дар ин замина, Вазири корҳои хориҷии Тоҷикистон Сироҷиддин Муҳриддин ҳамтои қирғизашро барои иштирок дар Конфронси IX вазирони корҳои хориҷии “Қалби Осиё - Раванди Истамбул”, ки қарор аст 30 марти соли 2021 дар Душанбе доир шавад, ба Тоҷикистон даъват кард.
Қирғизистон ва Тоҷикистон аз моҳи март тақсимоти сарҳадро идома медиҳанд
Зимни суҳбат ба масъалаи делимитатсия ва демаркатсияи сарҳади давлатӣ диққати махсус дода шуд.
Вазирон аҳамияти истифодаи пурраи иқтидори Комиссияи байниҳукуматӣ оид ба делимитатсия ва демаркатсияи сарҳади давлатии Тоҷикистону Қирғизистон ва инчунин иҷрои ӯҳдадориҳои қаблан ба зимма гирифтаи тарафҳоро таъкид карданд, ки ҳалли фаврии масъалаҳои марзиро таъмин мекунад.
 Председатель Согдийской области Раджаббой Ахмадзода - Sputnik Тоҷикистон, 1920, 07.03.2021
Чаро раиси нави Бодканд ба Аҳмадзода занг зад
Роҳбарони идораҳои корҳои хориҷӣ инчунин оид ба ҳамкориҳои тиҷоративу иқтисодӣ мубодилаи афкор намуда, масъалаҳои соҳаи нақлиёт ва коммуникатсияро баррасӣ карданд.
Дар ин робита, вазири тоҷик зарурати истифодаи имкониятҳои васеи транзитии ҷонибҳо, аз ҷумла додани мақоми байналмилалиро ба гузаргоҳи Карамиқ дар сарҳади давлатии Тоҷикистону Қирғизистон қайд кард.
Аҳмадзода: оини ҳамсоядориро нигоҳ медорем, як ваҷаб заминро ноҳақ ба касе намедиҳем
Бо мақсади боз ҳам густариш ва амиқ кардани муносибатҳои дуҷониба пешниҳод карда шуд, ки масъалаи баргузории ҷаласаи навбатии Комиссияи байниҳукуматӣ оид ба баррасии ҳамаҷонибаи масъалаҳо, инчунин гузаронидани машваратҳо дар сатҳи муовинони роҳбарони вазоратҳои корҳои хориҷӣ дар соли 2021 пешниҳод карда шавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала