Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред

Ҳавосанҷони тоҷик якбора паст рафтани ҳароратро пешгӯӣ мекунанд

© Sputnik / Наталья СеливерстоваДождь, архивное фото
Дождь, архивное фото - Sputnik Тоҷикистон, 1920, 11.03.2021
Ҳавосанҷони тоҷик боришоти шадидро дар шакли борон бо гузаштан ба барфи тар ва якбора паст рафтани ҳарорати ҳаво пешгӯӣ мекунанд
ДУШАНБЕ, 11 мар — Sputnik. Тибқи маълумоти Агентии обуҳавошиносии кишвар, рӯзҳои 13-14 марти соли ҷорӣ бо сабаби воридшавии анбӯҳи ҳавои сарду намнок дар ноҳияҳои тобеи марказ (НТҶ), вилояти Хатлон, ноҳияҳои ғарбии ВМКБ ва ноҳияҳои доманакӯҳии вилояти Суғд эҳтимолияти ба амал омадани боришоти бошиддат дар назар аст.
Лавина - Sputnik Тоҷикистон, 1920, 11.03.2021
Ҳалокати се нафар зери тарма дар ноҳияи Айнӣ ва ҳушдори КҲФ
Дар баъзе ноҳияҳои тобеи ҷумҳурӣ ва вилояти Хатлон аз 13 то 14 март боришоти шадид дар назар аст.
Интизор меравад, ки дар аксари минтақаҳои водиҳо ва доманакӯҳҳою кӯҳҳо рӯзи 14 март борон ба барф табдил ёбанд.
Ба истиснои ВМКБ, дар ноҳияҳои алоҳидаи ҷумҳурӣ шамол аз самти ғарб бо шиддатнокии то 17-22м/с, дар баъзе ҳолатҳо шиддат гирифта то 20-25м/с мевазад.
Зимнан, 14 март дар ноҳияҳои водӣ-доманакӯҳии ҷумҳурӣ ҳарорати рӯзонаи ҳаво то 12-15  дараҷа паст шуда, дар баъзе ноҳияҳо тормеғ (туман) мефарояд. Ҳарорат рӯзона 14-16 дараҷа гарм мешавад.
Рӯзи 14 март, дар аксари минтақаҳои водии доманакӯҳи ҷумҳурӣ бо якбора паст рафтани ҳарорат эҳтимолияти хароб шудан ва қисман нобуд шудани растаниҳои кишоварзӣ, гулҳои ороишӣ ва дарахтони мевадиҳанда вуҷуд дорад.
Аз 11 то 15 март дар ноҳияҳои кӯҳии тобеи ҷумҳурӣ, дар нишебиҳои ҷанубии қаторкӯҳи Ҳисор ва дар ғарби ВМКБ тармафароӣ имконпазир аст.
Ҳушдори КҲФ аз бориши борони шадид ва барфи тар дар Тоҷикистон
Дар водиҳо ва ноҳияҳои наздикӯҳии вилояти Хатлон, вилояти Суғд ва ноҳияҳои тобеи ҷумҳурӣ хатари селфароӣ мумкин аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала