Тоҷикистону Ҷопон ҳамкориро густариш медиҳанд: мулоқоти Нозирӣ бо Шуичӣ

© ВКХРойзаниҳои сиёсии Тоҷикистон ва Япония
Ройзаниҳои сиёсии Тоҷикистон ва Япония - Sputnik Тоҷикистон, 1920, 12.03.2021
Обуна шудан
Муовини якуми вазири корҳои хориҷии Тоҷикистон Хусрав Нозирӣ ва намояндаи вижаи Вазорати корҳои хориҷии Ҷопон оид ба кишварҳои Осиёи Марказӣ Токуда Шуичӣ дурнамои густариши муносибатҳои Тоҷикистон ва Ҷопонро баррасӣ карданд
ДУШАНБЕ, 12 мар - Sputnik. Байни вазоратҳои корҳои хориҷии Тоҷикистон ва Ҷопон даври сеюми ройзаниҳои сиёсӣ дар шакли маҷозӣ баргузор шуд.
Зулфия Абдусаматзода - зам министра здравохранения - Sputnik Тоҷикистон, 1920, 30.10.2020
Абдусаматзода бо намояндаи JICA солимии модарони тоҷикро баррасӣ кард
Ҳайатҳои тарафҳоро муовини якуми вазири корҳои хориҷии Тоҷикистон Хусрав Нозирӣ ва намояндаи вижаи Вазорати корҳои хориҷии Ҷопон оид ба кишварҳои Осиёи Марказӣ Токуда Шуичӣ роҳбарӣ карданд, хабар медиҳад Вазорати корҳои хориҷии Тоҷикистон.
Гуфта мешавад, ки дар ройзаниҳо тарафҳо ҳолат ва дурнамои густариши муносибатҳои ҳамкории гуногунҷанбаи Тоҷикистон ва Ҷопонро баррасӣ карда, пиромуни масъалаҳои муҳимми минтақавӣ ва байналмилалии мавриди эҳтимоми муштарак табодули афкор намуданд.
"Бо қаноатмандӣ зикр шуд, ки муносибатҳои дуҷонибаи Тоҷикистон ва Ҷопон дар тамоми арсаҳо пайваста ва ҳадафмандона густариш меёбанд", - омадааст дар хабарнома.
Дар ин замина аҳаммияти лоиҳаҳое, ки аз ҷониби Агентии ҳамкориҳои байналмилалии Ҷопон (JICA) дар қаламрави Тоҷикистон амалӣ мегарданд, таъкид гардид.
Ҷонибҳо ба зарурати ҳамкориҳои минтақавӣ дар чаҳорчӯби Муколамаи "Осиёи Марказӣ+Ҷопон" таъкид намуда, таҳкими ҳамкориҳоро дар сатҳҳои дуҷониба ва бисёрҷониба зарур шумориданд.
Сиёсатмадорон бо ишора ба аҳаммияти идомаи раванди сулҳ дар Афғонистон ба зарурати мусоидати ҷомеаи байналмилалӣ ба ин кишвар таъкид карданд.
Ҷопон барои сохтмони ду мактаб дар Тоҷикистон пул ҷудо кард
Дар поёни ройзаниҳои сиёсӣ омодагӣ ва рағбати тарафайн ба густариши бештари муносибатҳои дӯстӣ ва ҳамкорӣ байни ду кишвар дар ҳамаи соҳаҳо изҳор гардид.
Лентаи хабарҳо
0