Ирландия низ аз ваксинаи AstraZeneca даст кашиданист

© REUTERS / LEE SMITHВакцина от коронавируса
Вакцина от коронавируса - Sputnik Тоҷикистон, 1920, 15.03.2021
Обуна шудан
Дасткашӣ аз истифодаи ваксинаи AstraZeneca пас аз он сар зад, ки сару садоҳо дар мавриди бад шудани вазъи нафароне, ки эм гирифтаанд, якбора  зиёд шуд
ДУШАНБЕ, 15 мар - Sputnik. Шӯрои миллии машваратии эмгузаронӣ дар Ирландия таваққуфи истифодаи ваксинаи бритониёӣ ва шведии AstraZeneca-ро тавсия дод, хабар медиҳад Вазорати тандурустӣ дар Твиттер.
Вакцина от коронавируса AstraZeneca - Sputnik Тоҷикистон, 1920, 09.03.2021
Аввалин ваксинаи зидди COVID-19 ба Тоҷикистон расид: аз куҷо ва чӣ миқдор
Шӯро ин тавсияро пас аз гузоришҳо аз Норвегия дар бораи чор ҳолати нави ихтилоли шадиди хунравӣ дар ваксинаҳо содир кард.
Дар изҳорот қайд карда мешавад, ки робитаи байни ин ҳолатҳо ва ваксинаҳои AstraZeneca ҳанӯз муайян карда нашудааст, аммо бо мақсади эҳтиёт ваксиназанӣ бояд муваққатан қатъ карда шавад.
Қаблан истифодаи ваксинаҳои AstraZeneca аз ҷониби баъзе кишварҳои Аврупо, аз ҷумла Австрия, Дания, Норвегия, Исландия, Булғористон, Эстония боздошта шуда буд.
Сабаб инчунин гузоришҳо дар бораи лахташавии хун дар эмшудаҳо гуфта мешавад.
Агентии доруҳои аврупоӣ гуфт, ки таҳқиқи ҳолатҳои пайдоиши мушкилоти тромбоэмболиро дар пайи ваксинаи AstraZeneca идома медиҳад, ба ҳар ҳол бовар дорад, ки то ҳол ягон далеле вуҷуд надорад, ки ваксина онҳоро ба вуҷуд овардааст.
Аврупо аз AstraZeneca рӯ мегардонад: дар Тоҷикистон бо ин ваксин эмкунӣ шурӯъ мешавад
Саркашӣ аз истифодаи ваксинаи AstraZeneca пас аз он сар зад, ки сару садоҳо дар мавриди бад шудани вазъи нафароне, ки эм гирифтаанд, якбора  авҷ гирифт.
Ҳатто дар чанде аз кишварҳои аврупоӣ мавориди фавт пас аз гирифтани эм бо AstraZeneca низ ба қайд гирифта шуд.
Созмони ҷаҳонии беҳдошт мавқеъяшро дар бораи AstraZeneca гуфт
Мавқеи кумитаи бехатарии АДА аз он иборат аст, ки манфиатҳои дору аз хавфҳои марбут зиёдтаранд ва ваксиназанӣ метавонад идома ёбад.
Худи истеҳсолкунанда бехатарии доруро эълон кард.
Лентаи хабарҳо
0