Невзоров: cуруди Манижа барои Евровидение як санҷише шуд, ки Русия аз он нагузашт

© Sputnik / Стас ЭтвешПевица Манижа
Певица Манижа  - Sputnik Тоҷикистон, 1920, 18.03.2021
Суруди Манижа Сангин (Манижа) барои Евровидение - 2021, ба гуфтаи рӯзноманигор Александр Невзоров, мушкилоти даҳшатноки ҷомеаи Русияро ошкор кард
ДУШАНБЕ, 18 мар - Sputnik. Рӯзноманигор, хабарнигор, ровии телевизион ва публисист Александр Невзоров дар барномаи муаллифияш гуфтааст, ки интихоби як ҳунарманд аз Русия барои Евровидение - 2021 интихоби душвор буд ва мушкилоте пеш овард, ки қаблан маълум набуданд.
Певица Manizha Манижа Сангин (Хамраева)  - Sputnik Тоҷикистон, 1920, 17.03.2021
Бадтар аз коронавирусу кризис: посухи танзомези Манижа ба мунаққидонаш - видео
Рӯзноманигор дарҳол қайд кард, ки ӯ мутахассис нест, то сатҳ ва сифати иҷрои баромадро арзёбӣ кунад.
Аммо худи суруд ва интихоби сароянда озмоише шуд, ки ҷомеаи Русия аз ӯҳдаи он баромада натавонист.
"Достони Манижа як озмоиши аҷибе барои нажодпарастӣ шуд. Русия аз ин озмоиш нагузашт. Ин қадар нажодпарастии бераҳмона ва ашадӣ рӯй зад ва маълум шуд он ҳанӯз побарҷост", - қайд кард Невзоров.
Публитсист ин ҳолатро бо абсесси кӯҳна, ки дер боз интизораш буд, муқоиса кард.
"Русҳо ба ӯ овоз доданд": ҳомии ҳуқуқ Фадеев аз Манижа ҷонибдорӣ кард
"Ин идея, ин ғазаб, аз он бармеояд, ки он ҳамеша соаташро интизор буд, ба мисли норинҷаки шӯравӣ дар равған дар анборҳо, он бо тартиби мукаммал ҷойгир буда, танҳо интизор аст, ки дубора истифода шавад", - гуфт рӯзноманигор.
Невзоров илова кард, ки ин таъқиби миллатгароёна ба як зодаи Тоҷикистон ӯро дар ҳайрат афтод. Аз тарафи дигар, публитсист гуфт, интихоби Русия ба Евровидение - 2021 имкони муваффақият дорад.
Концерт Манижи в Москве - Sputnik Тоҷикистон, 1920, 16.03.2021
Ошкоргӯиҳои Манижа бо Собчак: аз посух ба Жириновский то таҳпӯшу нажодпарастӣ - видео
"Ман фикр мекунам, онҳое, ки Манижаро ин қадар зиракона интихоб карданд, чунин сурат гирифтани корро тасаввур карда наметавонистанд. Онҳо инчунин дар ҷаҳони дигар зиндагӣ мекунанд. Умуман, духтар ба таъқибот дучор шуд. Ҳеҷ кас намедонад, ки ашкҳои ӯро хушк кардан чӣ қадар душвор буд", - қайд кард Невзоров.
Ёдовар мешавем, ки суруди Манижа барои Евровидение - 2021 дар доираи интихоби миллӣ дар Шабакаи аввал пешниҳод карда шуд. Пас аз интишори видео мавҷи норозигиҳо болои сароянда рехт.
Бо вуҷуди назароти манфӣ, Манижаро бисёр чеҳраҳои маъруфи шоу-бизнеси Русия, аз ҷумла Дима Билан, Юлия Савичева, ҳунарпеша Чулпан Хаматова, рӯзноманигор ва сиёсатмадор Оксана Пушкина ва бисёр шахсиятҳои дигари ВАО дастгирӣ мекунанд.
Ман ба касе бадӣ накардаам: Манижа бори аввал вокунишҳои шадидро нисбаташ шарҳ дод
Худи ин видео дар канали расмии YouTube-и озмуни мусиқии Евровидение ба тамошобинон писанд омад: онро аллакай беш аз 4 миллион маротиба тамошо кардаанд. Ҳамзамон видеоро тақрибан 160 ҳазор корбар писандиданд ва қариб 80 ҳазор шарҳ гузоштаанд, ки аксари онҳо ки корбарони хориҷӣ буда баҳои мусбат медиҳанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала