Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред

Расман: Рустами Эмомалӣ сертификат гирифту Душанбе пойтахти фарҳангии ИДМ эълон шуд

Рустам Эмомали - Sputnik Тоҷикистон, 1920, 21.03.2021
Рустами Эмомалӣ имрӯз расман сертификате гирифт, ки пойтахти фарҳангии ИДМ интихоб шудани шаҳри Душанберо собит мекунад
ДУШАНБЕ, 21 мар — Sputnik. Имрӯз дар Театри давлатии академии опера ва балети Тоҷикистон ба номи Садриддин Айнӣ бо иштироки Раиси Маҷлиси миллии Маҷлиси Олии Ҷумҳурии Тоҷикистон ва ҳамзамон мири шаҳри Душанбе Рустами Эмомалӣ  маросими ифтитоҳи расмии Пойтахти фарҳангии ИДМ-2021 эълон гардидани Душанбе  баргузор шуд. 
Бар хабари агентии Ховар, дар маросими  мазкур намояндагони Дастгоҳи иҷроияи Президенти Ҷумҳурии Тоҷикистон, кишварҳои аъзои Иттиҳоди Давлатҳои Мустақил, бародаршаҳрҳо, корпуси дипломатӣ, созмонҳои байналмилалӣ ва минтақавии муқими шаҳри Душанбе, роҳбарияти вазорату кумитаҳо, мақомоти иҷроияи ҳокимияти давлатии шаҳри Душанбе, раёсату идораҳо, муассисаҳои таҳсилоти миёна ва олии касбӣ, коршиносон, ширкатҳои сайёҳӣ ва намояндагони воситаҳои ахбори омма  иштирок намуданд.
Подготовка Душанбе к празднику Навруз - Sputnik Тоҷикистон, 1920, 19.03.2021
Душанбе дар Наврӯз расман пойтахти фарҳангии ИДМ мешавад
Гуфта мешавад, дар оғози барнома муовини Раиси Кумитаи иҷроия - котиби иҷроияи Иттиҳоди Давлатҳои Мустақил Бекетжан Жумангулов ва директори иҷроияи Бунёди байнидавлатии ҳамкории гуманитарии кишварҳои аъзои ИДМ Анатолий Иксанов дар бораи таърих ва аҳамияти барномаи байнидавлатии "Пойтахтҳои фарҳангии Иттиҳод" маълумоти муфассал дода, сертификати "Душанбе-пойтахти фарҳангии Иттиҳод-2021"-ро ба раиси шаҳри Душанбе Рустами Эмомалӣ супориданд.
Ёдовар мешавем, ки бо дастгирии Фонди байнидавлатии ҳамкории башардӯстонаи ИДМ 22 ноябри соли 2020 дар маҷмааи таърихию фарҳангии "Ситадел" -и шаҳри Шимкенти Ҷумҳурии Қазоқистон маросими пӯшидашавии соли "Шимкент — пойтахти фарҳангии ИДМ-2020" ва супоридани навбат ба шаҳри Душанбе барои соли 2021 баргузор гардид.
Аввалин "Пойтахти фарҳангии ИДМ" шаҳри бостонии Беларус Гомел интихоб гардидааст. Аз шаҳрҳои Тоҷикистон - шаҳри Кӯлоб соли 2015 ин мақомро соҳиб гашта буд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала