Путин гуфт, кай алайҳи коронавирус эм мегирад

Президент РФ В. Путин - Sputnik Тоҷикистон, 1920, 22.03.2021
Кишвардори Русия Владимир Путин қайд намуд, ки эмкунӣ комилан ихтиёрӣ аст ва ҳар кас бояд худ тасмим гирад
ДУШАНБЕ, 22 мар — Sputnik. Раисиҷумҳури Русия Владимир Путин гуфт, ният дорад фардо алайҳи коронавирус эм гирад. Путин аз тасмими худ дар мавриди гирифтани ваксин дар ҷараёни як нишаст оид ба эмгузаронӣ аз коронавирус гуфт, ки дар режими онлайнӣ сурат гирифт.
Владимир Путин пас аз эълони тасмими худ, қайд кард, ки эмкунӣ комилан ихтиёрӣ аст ва нафареро маҷбурдан дар ягон ҷо эм намекунанд.
"Ваксинзанӣ, албатта ихтиёрӣ аст ва ҳар кас худ бояд тасмим гирад. Воқеан, ман худам ният дорам, ки фардо алайҳи коронавирус эм гирам".
Дар ҳамин ҳол, сухангӯи президенти Русия, Дмитрий Песков гуфт, эмгирии Владимир Путин як чорабинии оммавӣ нахоҳад шуд.
Мэр аргентинского города Роке Перес Хуан Карлос Гаспарини - Sputnik Тоҷикистон, 1920, 05.03.2021
Мақомдори Аргентина дар даст акси Путин, алайҳи ковид эм гирифт
Вай инчунин нагуфт, ки сарвари давлат бо кадом дору эм карда мешавад. Песков таъкид кард, ки ҳар се доруи Русия хуб ва боэътимод мебошанд.
Ғайр аз ин, ӯ таъкид кард, ки имрӯз вазъи коронавирус дар Русия ба эътидол омадааст. Путин қайд кард, ки дар айни замон беш аз чор миллион нафар зидди COVID-19 эм карда шудаанд. 
Президенти Русия таъкид кард, ки ба қарибӣ русҳо метавонанд бо дигар ваксинаи коронавирус, ки онро Маркази Чумаков таҳия кардааст, эм кунанд. Гурӯҳи аввали дору аллакай истеҳсол шудааст ва барои истифода омода аст.
Чаро ваксинаи сохти русӣ алайҳи COVID - 19 гарон нест? - навор
Вай инчунин гуфт, ки ягон доруи хориҷӣ алайҳи коронавирус ба андозаи ваксинаи Русия самаранокии худро нишон намедиҳад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала