Бонги хатар: дар Тоҷикистон шумораи кӯдакони гирифтори ВИЧ зиёд мешавад

CC0 / Pxhere / Ребенок с игрушкой на дороге, архивное фото
Ребенок с игрушкой на дороге, архивное фото - Sputnik Тоҷикистон, 1920, 26.03.2021
Тоҷикистон аз афзоиши шумораи ВНМО дар байни кӯдакони то 14-сола нигарон аст, ки ҳолатҳои гирифторшавӣ 14 дар сад бештар шудааст
ДУШАНБЕ, 26 март - Sputnik. Дар Тоҷикистон, афзоиши ҳолатҳои гирифторшавии кӯдакон ба вируси норасоии масунияти одам (ВИЧ) идома дорад, гуфта мешавад дар Барномаи Миллии мубориза бар зидди эпидемияи ВИЧ ва СПИД барои солҳои 2021-2025, ки ҳукумат қабул кардааст.
Вакцинация детей от полиомиелита  - Sputnik Тоҷикистон, 1920, 26.03.2021
Ӯзбекистон пас аз хабари авҷи полиомиелит дар Тоҷикистон ба эмкунии кӯдакон сар кард
Тибқи маълумоти дар барнома пешбинишуда, дар кишвар 11 986 ҳолати ВНМО ба қайд гирифта шудааст, ки аз он 7698 нафар (64,1%) мардони сироятёфта ва 4288 нафар (35,8%) занон мебошанд. Аз ин шумор 3230 нафар фавтидаанд ва шумораи гирифторони ин вирус 8756 нафарро ташкил медиҳад.
Дар барнома гуфта мешавад, ки вазъи эпидемиологӣ дар Тоҷикистон ҳамчунон шадид боқӣ монда, тамоюли афзоиши сабти ҳолатҳои нави ВНМО, сироятҳои бо роҳи алоқаи ҷинсӣ дар кишвар ба назар мерасад.
Афзоиши бақайдгирии ҳолатҳои нави ВНМО дар байни кӯдакони то 14-сола - 14% (аз ҳама ҳолатҳои нави ба қайд гирифташудаи сироят) ташвишовар аст. Шумораи кӯдакони то 14-солаи ВНМО 1022 нафар ё 11,7% аз шумораи умумии кӯдаконро ташкил медиҳад.
Ҳодисаҳои нави сироят дар аксарият дар одамони 18-сола ва калонтар ошкор карда шуданд ва 1,4% дар байни наврасони 15-17 сола мебошанд.
Созмони ҷаҳонӣ дар изтиробу Вазорат хомӯш: аз хурӯҷи фалаҷ дар Тоҷикистон чӣ маълум аст?
Дар байни интиқолдиҳандагони вирус 2466 нафар дар вилояти Хатлон дар ҷануби кишвар, 1991 нафар дар Душанбе, 1963 нафар дар вилояти Суғд (шимоли кишвар), 1955 нафар дар минтақаҳои марказӣ, 381 нафар дар Вилояти Мухтори Кӯҳистони Бадахшон.
Ин барнома барои пешгирии эпидемияи ВИЧ, коҳиши марги СПИД ва дастрасии ҳамаҷониба ба хизматрасониҳои баландсифати пешгирӣ, табобат ва нигоҳубин пешбинӣ шудааст.
Лоиҳа барои татбиқи барнома тақрибан 180 чорабинии гуногунро дар бар мегирад, ки барои иҷрои онҳо дар тӯли панҷ сол 43 миллион доллар ҷудо кардан пешбинӣ шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала