Куштӣ дар Кӯлоб: аз қадрдонии Расул Боқиев то бохти варзишкорони рус аз рақибони тоҷик

© SputnikНа занятии в школе Расула Бокиева, архивное фото
На занятии в школе Расула Бокиева, архивное фото - Sputnik Тоҷикистон, 1920, 29.03.2021
Сабқати куштии миллӣ дар шаҳри Кӯлоб бо ширкати паҳлавони Тоҷикистон Расул Боқиев ва рақобати шогирдони русаш бо варзишкорони тоҷик сурат гирифт
ДУШАНБЕ, 29 март - Sputnik. Мусобиқаи куштии миллӣ дар шаҳри Кӯлоб бо ширкати паҳлавонони шинохта, меҳмонони фахрӣ ва ҳазорон нафар дилбохтагони варзиши суннатӣ доир гардид.
Дар деҳаи "Мири пок"-и Ҷамоати деҳоти Даҳанаи шаҳри Кӯлоб соли сеюм мусобиқаи куштии миллӣ баргузор мешавад.
Расул Боқиев ба ҳамватанон ва тоҷикони Русияро Наврӯзро муборакбод гуфт - Sputnik Тоҷикистон, 1920, 22.03.2021
Пирӯзии додарзодаи Расул Боқиев дар мусобиқаи гуштин: соҳиби автомашина шуд
Ба мусобиқаи мазкур паҳлавони номдори Тоҷикистон, дорандаи медали биринҷии Бозиҳои Олимпии Пекин-2008 Расул Боқиев, собиқадорони ин намуди куштӣ ва дигар варзишгарони номдори дохилию хориҷӣ ба ҳайси меҳмони фахрӣ даъват гардида, ба онҳо туҳфаҳо тақдим карда шуд.
Дар ин рӯз ҳам варзишгарони тоҷик ва ҳам варзишгарони Русия барои ба даст овардани ғолибият рақобат карданд.
Ин тадбири варзишӣ беш аз 8 соат идома кард ва дар се майдон зиёда аз 50 рақобати ҷолиб ҷараён гирифтанд, ки баъди ҳар як ғалаба паҳлавонон аз ҷониби садорати кумитаи тадорукот бо туҳфаҳои пуливу молӣ сарфароз гардонида мешуданд, хабар медиҳад АМИТ "Ховар".
Ҳамин тариқ, барои ба даст овардани шоҳҷоизаи аввали мусобиқа паҳлавони федератсияи Русия — Руслан Киселёв ба майдон омад. Ин паҳлавон бо чор ҳариф рақобат карда, бар дутояш ғолиб омада, ду муҳорибаи дигарро мусовӣ анҷом дод.
Барои набард бо ин паҳлавони рус варзишгари тоҷик Фирдавс Насимов аз шаҳри Кӯлоб ба майдон омад, ки то ин муҳориба Фирдавс низ ду бор ғолиб омада буд. Муҳорибаи ин паҳлавонон новобаста ба боду ҳавои номусоид ва борон хеле хотирмон сурат гирифта, ҳазорон нафар мухлисон рақобати  ин ду паҳлавонро тамошо карданд.
"Дар ниҳоят ба Фирдавс Насимов муяссар гардид, ки баъди як партофти зебо бар Руслан Киселёв ғолиб омада, аввалин шоҳҷоиза-мошини "Хондай Аккорд"-ро соҳиб гардад", - омадааст дар хабарнома.
Дар идомаи мусобиқа паҳлавони ҷавону умедбахш Саидшоҳ Раҳматуллоев низ баъди муҳорибаҳои дуру дароз бар рақиби дигари худ аз Русия дастболо гардида, соҳиби дуюмин шоҳҷоиза- мошини "Опел" гардид.
Сипоси муфтии Маскав аз Расул Боқиев барои кумакҳояш ба муҳоҷирин ва камбизоатону маъбон
Бо хоҳиши мухлисону ҳаводорони куштии миллӣ яке аз шоҳҷоизаҳои дигари мусобиқа барои ду паҳлавони шинохтаи Тоҷикистон- Хуршед Маҷидов ва Шарифҷон Назриев гузошта шуд, ки сабқати  ин ду паҳлавон бе натиҷа, яъне мусовӣ анҷом ёфт. Бо қарори ситоди доварон шоҳҷоизаи мазкур бо як миқдор маблағи пулӣ ба Мактаб-интернати шаҳри Кӯлоб равона карда шуд.
Дар ин мусобиқа ҳазорон нафар ҳаводорони куштӣ аз гӯшаву канори кишвар ба ҳам омада, паҳлавонони дӯстдоштаи худро мухлисӣ карданд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала