Чор соли зиндони Азаматов, собиқ мақомдори БДА, барои садамае, ки ҷони як милисаро гирифт

© Sputnik / Стас ЭтвешСотрудник милиции в Таджикистане
Сотрудник милиции в Таджикистане - Sputnik Тоҷикистон, 1920, 29.03.2021
Додрас бар асоси ду моддаи қонун парвандаро баррасӣ карда, нисбати Азаматов ҷазои маҳрум сохтан аз озодӣ ба муҳлати чаҳор сол ҳукм намудааст
ДУШАНБЕ, 29 март – Sputnik.  Суди ноҳияи Синои пойтахт алайҳи Баҳром Азаматов, собиқ корманди баландмақоми Идораи БДА вилояти Суғд, ки дар содир намудани садамаи фоҷиабори нақлиётӣ гумонбар дониста мешуд, ҳукм эълон кардааст.
Бино ба иттилоъи манобеъи Sputnik Тоҷикистон додрас бар асоси ду моддаи қонун парвандаро баррасӣ карда, нисбати Азаматов ҷазои маҳрум сохтан аз озодӣ ба муҳлати чаҳор сол ҳукм намудааст.
“Ҳукми суд чанд рӯз пеш содир шуда ба судшаванда дар умум ҷазои маҳрум сохтан аз озодӣ ба муҳлати 4 сол таъин карда шудааст. Ҷониби судшаванда метавонад аз болои ин ҳукм ба зинаи дигари додгоҳ шикоят пеш оварад”, - гуфт манбаъ.
Баҳром Азаматов, корманди пешини Идораи БДА вилояти Суғд аст, ки дар содир намудани садамаи нақлиётӣ гумонбар дониста мешуд.
Ҳодисаи фоҷиабори бархурди мошинҳо, шаби 3 октябри соли 2020 тахминан соати 22:30 дақиқа дар болои купруки кӯҳнаи Сирдарё дар Хуҷанд рух дод, ки бар асари он Акбар Ғаффорзода, корманди 32- солаи шуъбаи кофтукоби ҷиноии шуъбаи ВКД дар шаҳри Хуҷанд ба ҳалокат расида, чаҳор нафари дигар ҷароҳат бардоштанд.
Автомашина ГАИ Таджикистана, архивное фото - Sputnik Тоҷикистон, 1920, 15.12.2020
Баҳром Азаматов дар пайи рухдоди садамаи нақлиётӣ аз сафи БДА - и Суғд хориҷ шудааст
Дар замони вуқӯъи ин ҳодиса РВКД дар вилояти Суғд ба расонаҳо иттилоъ дода буд, ки ин ҳодисаи нохуш бо сабаби ба самти муқобили ҳаракат баромадани мошини тамғаи Mersedess GL ҷип, рақамаш 01 74, ки ба Баҳром Азаматов, корманди шуъбаи имтиҳонию бақайдгирӣ (РЭО) БДА Суғд тааллуқ дорад, рух додааст.
Мақомот гуфта буданд, ки ҳодиса тавре рух додааст, ки ронандаи мошини Mersedess GL бо суръати баланд ба самти муқобили ҳаракат баромада бо мошини корманди ШВКД дар шаҳри Хуҷанд бар хурда ва дар пайи ҷароҳатҳои зиёд, Акбар Ғаффорзода дар ҷои ҳодиса ба ҳалокат расидааст.
Мақомоти тафтишотӣ қаблан нисбати Азаматов бо моддаҳои 212 қисми 2, (вайрон кардани қоидаи ҳаракати роҳ ва истифодаи нақлиёт, ки боиси марги инсон, расонидани зарари вазнин ба саломатӣ гаштааст) ва 127 қисми 2 (дар хатар монондан) парвандаи ҷиноятӣ боз карда буданд.
Боздошти Рустамхуҷа, бародари Баҳром Азаматов, корманди баландмақоми БДА-и Суғд
Дар пайи оғози парвандаи ҷиноӣ дар охирҳои соли 2020 бо фармони вазири корҳои дохилӣ, Рамазон Раҳимзода, Баҳром Азаматов аз мақомаш дар БДА-и Суғд барканор карда шуд.
Бар пояи иттилои БДА давоми соли 2020 дар ҳудуди роҳҳои вилояти Суғд, бештар аз 230 садамаи нақлиётӣ ба қайд гирифта шудааст, ки дар натиҷаи рухдоди чунин ҳодисаҳои мудҳиш беш аз 210 кас ҳалок шуда, 235 нафари дигар ҷароҳатҳои ҷисмонӣ бардоштаанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала