Чаро мудири маорифи Истаравшан барканор шуд

© Sputnik / Михаил ВоскресенскийПустое кресло
Пустое кресло - Sputnik Тоҷикистон, 1920, 06.04.2021
Дар Истаравшан мудири маорифро дар пайи гумонбар дониста шудани се мактабхон барканор карданд
ДУШАНБЕ, 6 апр - Sputnik. Диловар Азимов, мудири идораи маорифи шаҳри Истаравшан барканор шуд, гузориш медиҳад "Парс тудей" дар истинод ба "Топ тиҷӣ".
Бино бар иттилои манбаъ, мақомоти идораи маорифи шаҳри Истаравшан боздошт ва озодии се донишомӯзи синфи 11-и яке аз мактабҳои ин ноҳияро ба иттиҳоми таблиғи афкори ифротигарӣ таъйид кардаанд.
Гуфта мешавад, ин се хонанда пас аз бозҷӯӣ озод шуда ва акнун тамоми тамосҳои онон таҳти назорат хоҳад буд.
Ба дунболи ин ҳодиса Диловар Азимов, мудири идораи маорифи ноҳияи Истаравшани вилояти Суғд аз вазифааш барканор шудааст.
Дар бораи иттиҳоми ин се донишомӯз, ки афкори чӣ гурӯҳеро таблиғ мекардаанд, итилои дақиқ дар даст нест, аммо волидайни яке аз онон гуфтааст, ки ин се нафар дар бораи навори видеоии гурӯҳи фаъолияташ дар Тоҷикистон мамнӯи 24 дар интернет ибрози назар кардаанд.
Гуфта мешавад, ки ин се донишомӯз аз ҷумлаи шогирдони намуна дар мактаб мебошанд.
Спичка, архивное фото - Sputnik Тоҷикистон, 1920, 01.10.2020
Пулро дуздиду хонаро оташ зад: боздошти хонандаи синфи 10 дар Истаравшан
Дар Тоҷикистон истифода аз телефони ҳамроҳ барои донишомӯзон мамнуъ аст, аммо онон дар фазои дур аз мактаб метавонанд аз телефони ҳамроҳи хеш истифода кунанд.
Ба волидайни ин се нафар низ ҳушдор дода шудааст, ки рафтори фарзандони хеш ва тамосҳои ононро назорат кунанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала