Сайёҳони амрикоӣ ба тамошои Тоҷикистон меоянд

CC BY 2.0 / Ninara / Hissar Fortress, Dushanbe, TajikistanТуристы в городе Гиссар в Таджикистане
Туристы в городе Гиссар в Таджикистане - Sputnik Тоҷикистон, 1920, 06.04.2021
ДУШАНБЕ, 6 апр - Sputnik. Эҳтимол дорад, ки 26 гурӯҳи сайёҳони амрикоӣ аз Тоҷикистон боздид намоянд.
Сафари сайёҳони амрикоиро ба Тоҷикистон ширкати амрикоии сайёҳии "MIR" ташкил мекунад
Ин масъала дар мулоқоти маҷозии раиси Кумитаи рушди сайёҳии назди Ҳукумат Тоҷиддин Ҷӯразода бо раиси ширкати амрикоии сайёҳии "MIR" Даг Гримес ва муовини ӯ Эни Лукас, директори иҷроиявии Шӯрои соҳибкорони Амрико Тоҷикистон Елена Сон ва роҳбарони якчанд ширкатҳои сайёҳии Тоҷикистон баррассӣ шуд.
Омодагиҳо барои таҷлил аз 3000-солагии қалъаи Ҳисор - Sputnik Тоҷикистон, 1920, 12.02.2021
Ҷӯразода гуфт, сайёҳии дохилӣ дар Тоҷикистон фоидаовар нест

Тоҷикистон баробари ёдгориҳои зиёди таърихиву фарҳангӣ, табиати зебо ва имконияти нотакрор барои сайру саёҳат дошта, қаторкӯҳҳо, шаршараҳои мусаффо ва манзараҳои беназир ҷаҳонгардонро метавонанд бештар ба Тоҷикистон ҷалб намоянд.

Тоҷиддин Ҷӯразода
раиси Кумитаи сайёҳии Тоҷикистон
Мавсуф зикр намуд, ки имрӯзҳо дар тамоми кишварҳои ҷаҳон нишонаҳои тадриҷан барқароршавӣ аз COVID-19 ба назар расида, ҷиҳати ба роҳ мондани ҳамкории мутақобилан судманд бо ҷонибҳои ҳавасманд дар соҳаи сайёҳӣ имконият фароҳам оварда шудааст.
Бо мақсади истифодаи самараноки имконияти мавҷуда ва рушди инфрасохтори сайёҳӣ, беҳтар кардани сифати хизматрасонӣ, дастрасии электронии раводид тавассути низоми e-visa, фаъолияти марказҳои иттилооотӣ дар шаҳри Душанбе ва дигар шаҳру ноҳияҳои мамлакат, дастгирии сайёҳии дохиливу хориҷӣ ва ҷалби ҳарчи бештари сармоя ба ин бахш заминаҳои меъёрии ҳуқуқии соҳа такмил дода шуданд.
Женщины фотографируются на фоне Мавзолея Шейха Муслихиддина в городе Худжанде в Таджикистане, архивное фото - Sputnik Тоҷикистон, 1920, 29.12.2018
Дар 11 моҳ беш аз 56 ҳазор сайёҳ аз Хуҷанд дидан кардаанд
Гуфта мешавад, ки ҳукумати мамлакат дар самти беҳсозии фазои сармоягузорӣ барои ин соҳа тадбирҳои иловагӣ меандешад.
Роҳбари ширкати "MIR" гуфт, ки таҷрибаи самаранок истифода бурдани имконияти мавҷуда ва хусусияти хоси ҳар давлатро дорад.
Зикр карда шуд, ки аллакай гурӯҳҳои сайёҳони амрикоӣ нияти боздид аз Тоҷикистонро доранд ва изҳори умед карда шуд, ки вазъи паҳншавии COVID-19 дар ҷаҳон идорашаванда ва муътадил мегардад.
Дар баробари ин ширкат ҷиҳати ташкили сафарҳо ба сайёҳони алоҳида омодагӣ дида истодааст.
Дар интиҳои мулоқот мусоҳибон барои рушди ҳамкории минбаъда дар самти сайёҳӣ ва ҳарчӣ бештар ташкил намудани вохӯриҳо байни ширкатҳои Тоҷикистон ва Амрико изҳори умед намуданд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала