Дар Тоҷикистон телевизиони "Илм ва табиат" фаъол мешавад

© Pixabay / Gadini Пульт управления от телевизора
Пульт управления от телевизора - Sputnik Тоҷикистон, 1920, 14.04.2021
Дар Тоҷикистон фаъолияти телевизиони нав "Илм ва табиат" оғоз мегардад
ДУШАНБЕ, 14 апр — Sputnik. Як манбаъ аз Академияи миллии илмҳои Тоҷикистон ба Sputnik Тоҷикистон гуфт, имрӯз дар кишвар "Рӯзи илм" таҷлил мешавад ва ҳамзамон фаъолияти телевизион "Илм ва табиат" низ роҳандозӣ хоҳад шуд.
Номбурда гуфт, олимони тоҷик қабри олимони маъруфро зиёрат карда, хотираи Садриддин Айнӣ, Мирзо Турсунзода, Бобоҷон Ғафуров, Муҳаммадҷон Осимӣ, Султон Умаров, Лоик Шералӣ, Мӯъмин Қаноат, Бозор Собир ва дигаронро пос доштанд.
Ҳамзамон Фарҳод Раҳимӣ, президенти Академияи миллии илмҳои Тоҷикистон зимни ҳамоише аз дастовардҳои илми тоҷик гуфтааст.
Глава Союза журналистов Таджикистана Зинатулло Исмоилзода - Sputnik Тоҷикистон, 1920, 05.03.2021
Тағйироти кадрӣ дар Тоҷикистон
Эмомали Раҳмон ба Исмоилзода Зинатуллоҳ вазифаи нав дод
Ёдовар мешавем, масъалаи ташкили шабакаи "Илм ва табиат"- ро Эмомалӣ Раҳмон моҳи марти соли 2020 дар мулоқот бо олимони кишвар ба миён гузошта буд.
Ӯ таъкид карда буд, ки дар шабакаи мазкур таълими фанҳои табиӣ, дақиқ, риёзӣ, техникӣ ва технологиро ба роҳ монда, бо ин мақсад омӯзгорони ботаҷриба ва донишмандони соҳаро ҷалб намоянд. Супориш дода шуд, ки дар барномаҳои ҳаррӯзаи ин шабака дастовардҳои илми ватанию ҷаҳонӣ ва ихтирооти инноватсионӣ бояд пайваста муаррифӣ гарданд.
Моҳи сентябри худи ҳамон сол Эмомалӣ Раҳмон, раисиҷумҳури Тоҷикистон, бо имзои қарори Ҳукумат дар кишвар шабакаи ҷадиди телевизиониро таъсис дод.
Бар асоси қарори Ҳукумат, барои шабакаи тозатаъсис “Илм ва табиат” 87 воҳиди корӣ ҷудо карда шуд.
Эмомали Рахмон на совещания с вице примерами - Sputnik Тоҷикистон, 1920, 22.02.2021
Эмомалӣ Раҳмон бо ҷудо кардани бештар аз 2 миллион як озмуни нав эълон кард
Маблағгузории шабакаи ҷадид аз ҳисоби буҷаи ҷумҳуриявӣ амалӣ мешавад. Дар оинномаи тасдиқшудаи “Илм ва Табиат” омадааст, ки шабакаи мазкур ба забонҳои тоҷикӣ ва хориҷӣ 24 соат дар як шабонарӯз барнома пахш хоҳад кард.
Моҳи марти соли ҷорӣ бошад, президент бо қарор Исмоилзода Зинатуллоҳро аз вазифаи мудири муассисаи давлатии "Академияи васоити ахбори оммаи Тоҷикистон" озод ва роҳбари муассисаи давлатии телевизиони "Илм ва табиат" таъйин кард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала