Посухи "Толибон" ба пешниҳоди оташбас: "ҷанг дар Рамазон савоб дорад"

© Sputnik / РИА Новости / Гузариш ба медиабонкДелегация талибов приехала на переговоры в Москву
Делегация талибов приехала на переговоры в Москву - Sputnik Тоҷикистон, 1920, 14.04.2021
Обуна шудан
Иттиҳодияи ҷаҳонии уламои ислом ва давлати Афғонистон дар моҳи мубораки Рамазон ба "Толибон" (гурӯҳи радикалӣ, мамнӯъ дар Тоҷикистон) оташбас пешниҳод кардааст
ДУШАНБЕ, 14 апрел - Sputnik. Гурӯҳи радикалии "Толибон" дар посух ба дархости Иттиҳодияи ҷаҳонии уламои ислом ва давлати Афғонистон барои оташбас дар моҳи мубораки Рамазон, эълом кард "ҷанг дар моҳи Рамазон савоб дорад".
Ба гузориши "Парс тудэй", сухангӯи "Толибон" Забеҳуллоҳ Муҷоҳид ба рӯзномаи 8 субҳи Афғонистон гуфт, ки "ҷанг моҳи Рамазон ва ғайрирамазон надорад" ва ин гурӯҳ ба муборизаи худ алайҳи нерӯҳои амниятии Афғонистон идома медиҳад.
Глава МИД Афганистана Ханиф Атмар - Sputnik Тоҷикистон, 1920, 31.03.2021
Суҳбати вазири Афғонистон: аз ҷангу сулҳ бо Толибон* то хуруҷи хориҷиҳо ва рафтани Ғанӣ
Забеҳуллоҳ Муҷоҳид илова кард: "Ҷиҳод дар моҳи мубораки Рамазон савоби бештаре дорад ва ба ҳамин далел Толибон барои расидан ба аҳдофи худ аз ҷанг даст намекашад."
Сухангӯи "Толибон" ҳамчунин муддаӣ шуд дар ҳоли ҳозир мизони хушунат нисбат ба гузашта коҳиш ёфтааст.
Раиси Ҷумҳурии Афғонистон шаби душанбе дар паёми видеоӣ зимни табрики фаро расидани моҳи мубораки Рамазон ба миллати Афғонистон , аз "Толибон" низ хост, ки ба эҳтироми ин моҳ даст аз ҷанг кашида ва эъломи оташбас кунанд.
Ба дунболи он Иттиҳодияи ҷаҳонии уламои мусулмон низ бо ҳаром хондани ҷанги Афғонистон аз гурӯҳи "Толибон" хост, ки ба эҳтироми ин моҳ аз ҷанг даст бикашад.
"Толибон" зимни исрор бар идомаи ҷанг, шаби сешанбе эълом кард ба далели идомаи ҳузури нерӯҳои Амрико дар Афғонистон то 11 сентябри оянда, дар музокироти сулҳи Истанбул, ки барои ҳафтаи оянда барномарезӣ шуда буд ширкат намекунанд.
Лентаи хабарҳо
0