Даргузашти Александра Спектор корманди шоистаи Тоҷикистон

© Pixabay/kpereira52291Свеча
Свеча - Sputnik Тоҷикистон, 1920, 15.04.2021
Обуна шудан
Олими шинохта, профессор, Корманди шоистаи ҶТ ва устоди Донишгоҳи славянии Русияву Тоҷикистон Спектор Александра Леонидовна даргузашт
ДУШАНБЕ, 15 апрел - Sputnik. Илми точик боз як олими барҷастаро аз даст дод. Рӯзи 15 апрел дар шаҳри Душанбе, дили яке аз олимони шинохтаи кишвар, профессор, Корманди шоистаи ҶТ Спектор Александра Леонидовна аз тапидан боз монд.
Дар ин бора устоди Донишгоҳи славянии Русияву Тоҷикистон Шариф Муллоев дар саҳифааш дар Facebook хабар додааст.
Бино ба гузориши устод, Спектор Александра Леонидовна дар синни 90 - солагӣ ин ҷаҳонро тарк гуфт.
Спектор Александра Леонидовна 1 декабри соли 1931 дар шаҳри Одесса ба дунё омадааст.Ӯ адабиётшинос, номзади илмҳои филология (1970), профессор (1992). Корманди шоистаи ҶТ (1997) мебошад.
Мужчина совершает молитву на кладбище - Sputnik Тоҷикистон, 1920, 15.04.2021
Некӣ мекарду ба дарё меандохт: даргузашти соҳибкори тоҷик дар Туркия - акс
Солҳои 1950-1954 дар факултети филологияи Донишгоҳи давлатии Тоҷикистон ба номи В. И. Ленин таҳсил намудааст.
Аз соли 1954 то соли 1960 муаллимаи калони кафедраи адабиёти Донишкадаи омӯзгории Кӯлоб буд.
Аз соли 1960 то соли 1996 муаллим, муаллимаи калон, дотсенти кафедраи адабиёти рус ва хориҷии Донишкадаи давлатии омӯзгории шаҳри Душанбе ба номи Т. Г. Шевченко.
Аз соли 1996 – то имрӯз дар вазифаҳои дотсент, мудири кафедра ва профессори кафедраи адабиёти ҷаҳонии Донишгоҳи славянии Русияву Тоҷикистон фаъолият бурдааст.
Муаллифи роҳбари беш аз 140 корҳои илмӣ, илмию методӣ мебошад. Дар конференсияҳои илмии ҷумҳуриявӣ ва байналмилалӣ бо маърӯзаҳо баромад кардааст.
Лентаи хабарҳо
0