Нигаронии президент аз татбиқ нашудани дастоварди ихтироъкорон: дар рӯи коғаз мемонад

© пресс-служба президентаЭмомали Рахмон, Президент Таджикистана
Эмомали Рахмон, Президент Таджикистана - Sputnik Тоҷикистон, 1920, 15.04.2021
Эмомалӣ Раҳмон мегӯяд, дар байни олимону муҳаққиқони кишвар ихтироъкорон ва навоварон кам нестанд, вале дастовардҳои онҳо дар истеҳсолот қариб, ки татбиқ намегарданд
ДУШАНБЕ, 15 апр - Sputnik. Раисиҷумҳури кишвар ин нуктаро имрӯз зимни суханронияш дар ҷаласаи якуми Шӯрои илм, маориф ва инноватсияи назди Президент изҳор дошта, аз сатҳи пасти татбиқи дастовардҳо дар истеҳсолот изҳори нигаронӣ кард.
Ихтироот ва кашфиёти илмӣ дар шакли патенту шаҳодатномаҳои муаллифӣ дар Маркази миллии патенту иттилооти Вазорати рушди иқтисод ва савдо ба қайд гирифта мешаванд, вале аксари онҳо дар рӯи коғаз боқӣ мемонанд, гуфт Эмомалӣ Раҳмон.
Ба гуфтаи ӯ, мо то ҳанӯз механизми татбиқи дастовардҳои илму техникаро дар истеҳсолот тарҳрезӣ ва дарёфт накардаем.
Президент, Маркази миллии патенту иттилоот вазифадор кард, ки бо ҷалби коршиносони касбӣ экспертизаи мустақили ихтирооту навовариро дар сатҳи баланд амалӣ гардонад ва дастовардҳои ихтироъкоронро барои дарёфт намудани фармоишгар ва татбиқ дар истеҳсолот мунтазам ташвиқу тарғиб намояд.
Таджикские школьники - Sputnik Тоҷикистон, 1920, 14.04.2021
Барандаҳои стипендияи раиси Душанбе 480 ҳазор сомонӣ мегиранд
"Барои рушди ояндаи навоварӣ ва ихтироъкорӣ, ҳамчунин зарур аст, ки заминаи моддиву техникии муассисаҳои илмӣ ва озмоишгоҳҳо таҳким бахшида шавад", - гуфтааст Эмомалӣ Раҳмон .
Ба ин мақсад бояд дар муассисаҳои илмӣ корхонаҳои хурди илмиву истеҳсолӣ ташкил карда шаванд, то ки ихтирооти муҳаққиқон ва навоварон дар марҳалаи аввал аз санҷиш, озмоиш ва таҷриба гузаронида, баъдан барои татбиқи васеъ ба истеҳсолот пешниҳод карда шаванд.
Эмомалӣ Раҳмон ба вазорату идораҳои дахлдор дастур додааст, ки ихтироъкорон ҳамкории зичро ба роҳ монанд, дастовардҳои онҳоро омӯзанд ва дар асоси шартнома бо муассисаҳои илмӣ барои татбиқ намудани натиҷаҳои илмӣ дар истеҳсолот тадбирҳои зарурӣ андешанд.
Министр образования и науки Таджикистана Имомзода Мухаммадюсуф Сайдали - Sputnik Тоҷикистон, 1920, 31.12.2020
Барномаи рушди маориф дар Хатлон ҳамагӣ 22% иҷро шуд: нигарониҳои раисиҷумҳур
Ӯ гуфт, ба роҳ мондани ҳамкории самараноки корхонаҳои саноатӣ бо муассисаҳои илмии ватанӣ бо харҷи кам ба натиҷаҳои баланди иқтисодӣ ноил шудан мумкин аст, зеро ворид намудани технологияҳои пешқадам аз хориҷи кишвар маблағгузории зиёдро талаб менамояд.
Раисиҷумҳур гуфтааст, ки дар нақшаҳои солона ва панҷсолаи муассисаҳои илмиву таҳқиқотӣ, институтҳои соҳавӣ ва кафедраҳои дахлдори муассисаҳои таҳсилоти олии касбӣ дар қатори мавзӯъҳои бунёдӣ иҷрои мавзӯъҳои хусусияти амалидошта низ ба таври ҳатмӣ ба роҳ монда шавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала