Дар Ӯзбекистон ба иллати паҳншавии коронавирус боз маҳдудиятҳо ҷорӣ карда шуд

© Информационная служба ГУБДД МВД РУзКарантин в Узбекистане
Карантин в Узбекистане - Sputnik Тоҷикистон, 1920, 17.04.2021
Мактабҳо ва кӯдакистонҳо барои ду ҳафта баста мешаванд. Инчунин ҷойҳои нишаст дар нақлиёт ва чойхонаҳо маҳдуд мешаванд
ДУШАНБЕ, 17 апр - Sputnik. Мақомоти Ӯзбекистон аз 18 апрел боз чораҳои қарантинаиро роҷеъ ба паҳншави коронавирус дар кишвар пурзӯр хоҳад кард, иттилоъ додааст хадамоти матбуоти Вазорати тандурустии Ӯзбекистон.
Аз ҷумла дар сурати ошкор намудани сироятёбӣ ба коронавирус, мактабҳо ва боғчаҳо ба қарантина фаро гирифта мешаванд ва барои ду ҳафта баста мешаванд ва шумораи ҷойҳо дар нақлиёт ва чойхонаву тарабхонаҳо низ маҳдуд хоҳад шуд.
Чунин чораҳо дар Ӯзбекистон пас аз ошкор шудани навъи нави коронавируси африқоӣ дар кишвар андешида шуд.

"Ба кишвари мо навъи нави коронавируси африқоӣ ворид гаштааст ва Маркази технологияҳои муосир дар якҷоягӣ бо Хадамоти санитарию эпидемиологӣ онро омӯхтаанд. Ҳоло таҳлили амиқ идома дорад", - гуфт Арипов дар ҷаласаи комиссияи ҷумҳуриявии мубориза бо коронавирус.

Сарвазир ёдовар шуд, ки дар аввали сол дар Ӯзбекистон шакли нави коронавируси "бритонӣ", бештар миёни кӯдакон паҳн ёфт, ки пас аз он як қатор мактабҳо ва кӯдакистонҳо дубора баста шуданд. Ба гуфтаи ӯ, сироятёбӣ ба вирус дар мактабҳо 6-7 дарсад ва дар муассисаҳои олӣ 11-15 дарсад мушоҳида мешавад.

"Мо ҳанӯз марзҳоямонро бастанӣ нестем. Сабаб дар он аст, ки мо то ҳол хатареро намебинем. Аммо сироятёбӣ, аз ҷумла дар мақомоти давлатӣ афзоиш ёфт "

Премьер-министр Узбекистана Абдулла Арипов - Sputnik Тоҷикистон
Абдулло Арипов
Нахуствазири Ӯзбекистон
Сарвазир аз назорати сусти риояи талаботҳои қарантинаӣ дар кишвар, изҳори норозигӣ кард.
Госпиталь для больных COVID-19 - Sputnik Тоҷикистон, 1920, 17.04.2021
Дар саросари ҷаҳон аз коронавирус наздик ба 3,4 миллион нафар ҷон бохтанд
Ёдовар мешавем, ки аввалин ҳодисаи COVID-19 дар Ӯзбекистон 15 марти соли 2020 ошкор шуда буд.
Тибқи маълумоти охир, ба санаи 16 апрел шумораи умумии ҳолатҳои ба қайд гирифташудаи коронавирус ба 86022 расидааст. Дар маҷмӯъ 635 нафар аз сироятёфтагон фавтидаанд, 83 649 шифо ёфтанд.
Дар моҳи апрел дар Ӯзбекистон эмгузаронии оммавӣ алайҳи коронавирус оғоз ёфт. Эмгирифтан комилан ройгон аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала