Хоҷаев – табиби сол ва Қурбонов беҳтарин ронандаи Душанбе эълон шуданд

© Sputnik / Екатерина ЧесноковаВрачи в операционной, архивное фото
Врачи в операционной, архивное фото - Sputnik Тоҷикистон, 1920, 18.04.2021
Обуна шудан
Шаҳрдории Душанбе беҳтарин табиб, беморхона, ҳамшираи шафқат ва беҳтарин ронандаю ширкатҳои мусофирбариро эълон намуданд
ДУШАНБЕ, 18 апр - Sputnik. Ғолиби озмуни “Табиби сол” - Хоҷаев Фирдавс, ҷарроҳи Маркази саломатии шаҳрии №15 эълон гардида, соҳиби 5 ҳазор сомонӣ мукофотпулӣ гардид, хабар дод шаҳрдории Душанбе.
Шоира Абдуллоева аз Маркази саломатии шаҳрии №15 беҳтарин “Табиби оилавии сол” эълон гардид.
Азизова Хуршеда, ҳамшираи тиббии Маҷмааи тандурустии “Истиқлол” ғолиби озмуни “Корманди миёнаи тибби сол” эълон гардида, соҳиби 4 ҳазор сомонӣ мукофотпулӣ шудааст.
"Беморхонаи клиникии шаҳрии бемориҳои сироятӣ, ғолиби озмуни “Беморхонаи сол” дониста шуда, бо мукофотпулӣ дар ҳаҷми 10 000 сомонӣ сарфароз гардонида шуд", - омадааст дар иттилоия.
Ба иттилои шаҳрдории Душанбе, дар бахши беҳтарин корхонаи нақлиётӣ, Корхонаи коммуналии “Автобус-1”-и шаҳри Душанбе мақоми аввал 5 ҳазор сомонӣ гирифт.
Ширкати “Талко Персия” соҳиби зинаи дуюм ва 3000 сомонӣ ва ҷамъияти “Беҳруз-15” соҳиби ҷойи сеюму 2000 сомонӣ гардид.
Чествование лучших учеников Душанбе - Sputnik Тоҷикистон, 1920, 18.04.2021
Ба беҳтаринҳои маорифи Душанбе беш аз ним миллион сомонӣ тақдим шуд
Ғолиби озмуни “Беҳтарин ронанда” Қурбонов Бобоҷон Назарович аз корхонаи “Автобус-2” эълон шудаст, ки бо 3 ҳазор сомонӣ ва диплом сарфароз гардид.
Зинаи дуюм насиби Ҳамидов Талабшоҳ Фатҳуддинович аз ҷамъияти “Сорбон-14” ва мақоми сеюм насиби Ҳалимов Акбар Абдусаломович аз ҷамъияти “Саёҳон” шуд, ки бо мукофотпулӣ ва диплом сарфароз шуданд.
Лентаи хабарҳо
0