Дастури Ҳакимзода ба масъулин барои ҳалли мушкили мардум

© Пресс-служба Президента Республики ТаджикистанГлава Хатлонской области Курбон Хакимзода
Глава Хатлонской области Курбон Хакимзода - Sputnik Тоҷикистон, 1920, 19.04.2021
Қурбон Ҳакимзода арзи мардумро гӯш кард ва ба масъулин барои ҳалли проблемаҳои онҳо дастуру супоришҳо дод
ДУШАНБЕ, 19 апр - Sputnik. Раиси вилояти Хатлон Қурбон Ҳакимзода дар толори мақомоти ноҳияи Панҷ шаҳрвандонро қабул карда, арзу шикояташонро шунид, хабар медиҳад хадамоти матбуотии раиси вилоят.
Гуфта мешавад, пеш аз шунидани арзи шаҳрвандон раиси вилоят ба ҳозирин оид ба аҳамияти истифодаи самарабахши заминҳои наздиҳавлигӣ, кишти сабзавот, картошка, вусъати корҳои ободонию созандагӣ изҳори назар кардааст.
"Қабл аз ин ҷо омадан ба аёдати якчанд собиқадори меҳнат рафтам. Бояд ҳар як шаҳрванд ба мисли ин собиқадорон заминҳои худро пурсамар истифода барад. Ташаккур ба онҳо", - гуфтааст раиси вилоят.
Хакимзода Курбон председатель Государственного комитета по земельному управлению и геодезии при правительстве Республики Таджикистан - Sputnik Тоҷикистон, 1920, 05.03.2021
Ҳакимзода аз номи Президент як модари ниёзмандро табрик намуда, ба ӯ хона тақдим кард
Бино ба гузориши манбаъ, наздики 20 сокини ноҳияи Панҷ ба қабули раиси вилоят номнавис шудаанд.
Аз ҷумла шаҳрванд Раҷабов Сироҷ оид ба норасоии об барои чарогоҳҳо ва аҳолӣ, баҳси андози заминҳои чарогоҳ муроҷиат кардааст.
Омӯзгор Изомов Аъзам бошад, оид ба ҷудо намудани қитъаи замин барои сохтмони бунгоҳи тиббӣ, ки бо дастгирии аҳолӣ ва соҳибкорон сохта мешавад, арз кардааст.
Ҳамчунин, хоҷагидор Самиев Бахтиёр оид ба барқарор намудани ҳавзи обтакшинкунӣ, инчунин дигар шаҳвандон дар масъалаи ҷудо намудани қитъаи замини наздиҳавлигӣ, замин барои сохтмони варзишгоҳ, норасоии оби нӯшокӣ, баҳси қитъаи замини зери роҳ, саҳми замини хоҷагии деҳқонӣ, расонидани кумаки иҷтимоӣ ва бо дигар матлабҳо муроҷиат намудаанд.
Бинои беморхонаи навбунёди касалияҳои сироятии ноҳияи Данғара - Sputnik Тоҷикистон, 1920, 27.06.2020
Ҳакимзода хостори ифтитоҳи пеш аз муҳлати беморхонаи сироятии Данғара шуд
Манбаъ афзуда, ки раиси вилояти Хатлон Қурбон Ҳакимзода оид ба баррасии саривақтӣ ва ҳалли мусбати мушкилиҳои мардум ба масъулон дастур додааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала