Эълони ғолибони интихобот: КМИР номи 4 вакили нави парлумонро гуфт

© Sputnik / Стас ЭтвешГлава ЦИК Бахтиёр Худоёрзода огласил результаты парламентских выборов
Глава ЦИК Бахтиёр Худоёрзода огласил результаты парламентских выборов - Sputnik Тоҷикистон, 1920, 19.04.2021
Обуна шудан
Комиссияи марказии интихобот ва раъйпурсии Тоҷикистон эълон кардааст, ки интихоботи миёнадаврии вакилон ба Маҷлиси намояндагони Маҷлиси Олии Тоҷикистон ҷамъбаст гардид
ДУШАНБЕ, 19 апр — Sputnik. Санаи 19 апрели соли равон таҳти роҳбарии Бахтиёр Худоёрзода, раиси Комиссияи марказии интихобот ва раъйпурсии Тоҷикистон ҷаласаи Комиссияи марказӣ баргузор шуд, иттилоъ додааст дафтари матбуоти ин ниҳод.
Бар хабари манбаъ, дар он масъалаи тасдиқи натиҷаҳои интихоботи вакилон ба Маҷлиси намояндагони Маҷлиси Олии Тоҷикистон ба ивази вакилони хориҷшуда дар ҳавзаҳои ҳудудии якмандатаи интихоботии Ҷаббор Расулов №16, Деваштич №24, Ҷалолиддини Балхӣ №30 ва Вахш №32, ки 18 апрели соли 2021 баргузор гардид, мавриди баррасӣ қарор гирифт.
Гуфта шудааст, ки бо риояи талаботи Қонуни конститутсионии Тоҷикистон “Дар бораи интихоботи Маҷлиси Олии Тоҷикистон” дар ҳавзаҳои интихоботии болозикр сенздаҳ номзад ба вакили Маҷлиси намояндагони Маҷлиси Олии Тоҷикистон ба қайд гирифта шуда буд.
Подготовка к выборам в Таджикистане - Sputnik Тоҷикистон, 1920, 17.03.2021
Ба ҷои Зувайдзода вакили нав интихоб мешавад: таъйини санаи интихобот
Манбаъ қайд кардааст, мутобиқи талаботи қонунгузории Тоҷикистон дар бораи интихобот, овоздиҳӣ 18 апрели соли ҷорӣ аз соати 6-и субҳ то соати 20-и бегоҳ давом карда, дар асоси санадҳои комиссияҳои ҳавзавии интихобот дар ҳавзаҳои якмандатаи интихоботии Ҷ.Расулов №16-84,31%, Деваштич №24-84,47%, Ҷ.Балхӣ №30 – 86,2% ва Вахш №32-85,6% интихобкунандагони ба рӯйхат воридкардашуда дар интихобот иштирок намуданд.
“Тибқи талаботи моддаи 18-и Қонуни конститутсионии Тоҷикистон “Дар бораи интихоботи Маҷлиси Олии Тоҷикистон” интихоботи вакилони Маҷлиси намояндагони Маҷлиси Олии Тоҷикистон дар ҳавзаҳои интихоботии зикргардида баргузоршуда ҳисобида шуд”,- таъкид доштааст Бахтиёр Худоёрзода.
Президент Республики Таджикистан Эмомали Рахмон - Sputnik Тоҷикистон, 1920, 27.01.2021
Раҳмон гуфт, дар интихобот ба ӯ аксарият занон овоз додаанд
Зикр шудааст, ки дар асоси моддаи 48-и Қонуни конститутсионии Тоҷикистон “Дар бораи интихоботи Маҷлиси Олии Тоҷикистон” дар интихоботи 18 апрели соли 2021 номзадҳо Файзулло Қосимӣ бо гирифтани 74,71% овози интихобкунандагон дар ҳавзаи ҳудудии якмандатии интихоботии Ҷ.Расулов №16, Исмоилиён Комрон Исмоилзода бо гирифтани 73,2% овози интихобкунандагон дар ҳавзаи ҳудудии якмандатии интихоботии Деваштич №24, Одиназода Ҳуснигул Раҷаб бо гирифтани 65,9% овози интихобкунандагон дар ҳавзаи ҳудудии якмандатии интихоботии Ҷ.Балхӣ№30 ва Абдусаломзода Мунаввар Алиакбар бо гирифтани 66,3% овози интихобкунандагон дар ҳавзаи ҳудудии якмандатии интихоботии Вахш №32 вакили Маҷлиси намояндагони Маҷлиси Олии Тоҷикистон интихоб гардида, ба қайд гирифта, ваколатҳояшон тасдиқ карда шуданд.
Ҳамин тавр, интихоботи вакилон ба Маҷлиси намояндагони Маҷлиси Олии Тоҷикистон ба ҷойи вакилони хориҷшуда дар ҳавзаҳои интихоботии зикргардида ошкоро, шаффоф, ба таври озод ва дар асоси алтернативӣ бо иштироки фаъоли интихобкунандагон баргузор гардида, анҷом ёфт.
Лентаи хабарҳо
0