Фоҷиа ва қаҳрамонии як ноболиғи тоҷик: модарро наҷот доду духтарча ғарқ шуд

© PixabayРебенок в воде на закате, архивное фото
Ребенок в воде на закате, архивное фото - Sputnik Тоҷикистон, 1920, 20.04.2021
Обуна шудан
Кумитаи ҳолатҳои фавқулодаи Тоҷикистон бо ишора ба зиёд шудани ғарқшавии кӯдакону ноболиғон аз волидон даъват намудааст, ки фарзандонро бе назорат нагузоранд
ДУШАНБЕ, 20 апр — Sputnik. КҲФ аз фоҷиае дар ноҳияи Ёвон хабар додааст, ки ҳангоми барои об рафтани модари ҷавон бо духтарчаи 6-солааш рух додааст.
Манбаъ мегӯяд, 18-уми апрели соли равон, модари ҷавон, сокини деҳаи Сабзазори ҷамоати деҳоти Чоргули ноҳияи Ёвон, ҳамроҳи духтарчаи 6-солаааш ба канали деҳа барои об меравад.
“Замоне, ки модар об мегирифт, духтарча ба оби канал сарозер мешавад. Модари ҷавон, саросемавор худро ба об мезанад, аммо об аллакай кӯдакро бурда буд ва худи ҷавонзан низ дар ҳоли ғарқшавӣ қарор гирифтааст”, - иттилоъ дод КҲФ.
Дар зимн ин ҳолро талабаи синфи 11, сокинаи деҳаи мазкур дида, худро ба об меандозаду модарро наҷот медиҳад. Ҷасади духтарча рӯзи дигар 500 метр поёнтар аз ҷойи ҳодиса пайдо карда шуда, ба хешовандонаш супорида шуд.
Тело 25-летнего гражданина Туркменистана было найдено вчера в Гиссарском Гранд-канале - Sputnik Тоҷикистон, 1920, 14.11.2020
КҲФ гуфт, чанд касро наҷот доду чанд нафари дигар ғарқ шуд
Ин ҳодиса дар ҳолест, ки ҳамасола бо фарорасии фасли гармо ҳолатҳои ғарқшавии кӯдакону ноболиғон дар ҳавзу дарёҳо дар Тоҷикистон афзоиш меёбанд. КҲФ аз шаҳрвандон даъват мекунад, ки кӯдаконро бе назорат нагузоранду аз оббозӣ дар маконҳое, ки барои шиноварӣ пешбинӣ нашудаанд, худдорӣ намоянд.
Лентаи хабарҳо
0