Тақсимоти сарҳадии Душанбе: кадом ноҳияи пойтахт чӣ қадар масоҳат гирифт?

© Sputnik / Стас ЭтвешВид на город Душанбе, 2020 год, архивное фото
Вид на город Душанбе, 2020 год, архивное фото - Sputnik Тоҷикистон, 1920, 20.04.2021
Сарҳади ноҳияҳо дар шаҳри Душанбе тағйир ёфта, аз сӯи парлумон тасвиб гардид. Феълан ноҳияи Сино калонтарин ва Исмоили Сомонӣ хурдтарин ноҳияи пойтахт мебошад
ДУШАНБЕ, 20 апр — Sputnik. Дар пайи тағйироти сарҳади ноҳияҳо дар шаҳри Душанбе масоҳати ноҳияи Сино ба 62,24 километри мураббаъ баробар шуд. Ноҳияи мазкур калонтарин дар пойтахт ба шумор меравад.
Пас аз Сино ноҳияи Фирдавсӣ қарор дорад, ки баъди тақсимоти ҷадиди ҳудудӣ, масоҳаташ ба 54,48 километри мураббаъ баробар шуд.
Ноҳияи сеюми пойтахт аз рӯи масоҳат Шоҳмансур аст, ки масоҳаташ 48,86 километри мураббаъро ташкил медиҳад.
Панорама города Душанбе - Sputnik Тоҷикистон, 1920, 15.07.2020
Тасдиқи қарори раиси Душанбе барои тағйири сарҳади навоҳии пойтахт
Хурдтарин ноҳияи пойтахт Исмоили Сомонист, ки 37,59 километри мураббаъ масоҳат дорад.
Дар маҷмуъ масоҳати шаҳри Душанбе аз ҳисоби заминҳои ноҳияи Рӯдакӣ васеъ шуда, аз 126,6 ҳазор километри мураббаъ то 203,2 километри мураббаъ афзудааст.
Интизор мерафт, ки дар пайи пайвастани заминҳои нав аз ноҳияи Рӯдакӣ дар пойтахт ноҳияи ҷадид таъсис дода шавад, аммо баъдан шаҳрдорӣ тасмим гирифт, марзи маъмурии ҳамаи ноҳияҳоро зиёд кунад, ки ахиран аз ҷониби Ҳукумат ва парлумон ҷонибдорӣ ёфт.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала