Заҳролудшавии мард аз решае, ки вазиру раисиҷумҳур онро доруи коронавирус гуфтанд

© Sputnik / Владимир Смирнов / Гузариш ба медиабонкВрач, архивное фото
Врач, архивное фото - Sputnik Тоҷикистон, 1920, 20.04.2021
Обуна шудан
Марди 63-сола бар асари истеъмоли решаи заҳролуди растании исиқкулӣ, ки ахиран аз ҷониби мақомоти Қирғизистон чун доруи коронавирус муаррифӣ шуд, заҳролуд гардидааст
ДУШАНБЕ, 20 апр — Sputnik. Дар Қирғизистон нахустин ҳолати заҳролудшавӣ аз решаи растании исиқкулӣ, ки онро чун доруи коронавирус муаррифӣ карданд, ба қайд гирифта шуд, хабар дод шабакаи телеграми Sputnik-и хориҷи наздик.
Манбаъ аз қавли расонаҳои маҳаллӣ хабар додааст, ки марди 63-сола шираи решаро барои муолиҷа аз коронавирус нӯшида, дар беморхона бистарӣ шудааст.
Қаблан табобати бемории коронавирус бо решаи растании исиқкулиро раисиҷумҳури Қирғизистон ва Вазорати тандурустии ҷумҳурӣ пешниҳод карда буданд. Ба гуфтаи онҳо, шираи ин реша беморро аз коронавирус тайи ду - се рӯз халос мекунад.
Пассажиры на платформе Ярославского вокзала в Москве - Sputnik Тоҷикистон, 1920, 18.04.2021
Русия чаро ба мавҷи сеюми коронавирус рӯбарӯ нашуд? посухи иммунолог
Аммо Кумитаи масоили иҷтимоӣ ба вазири тандурустӣ изҳори нобоварӣ кард, чун ин растанӣ заҳрдор буда, табибони таҷрибадор муолиҷа бо чунин шеваро раво намедонанд.
Facebook низ ба ин шеваи табобат бовар накарду постҳои қаблии Содир Ҷабборов дар мавриди ин тарзи муолиҷа аз СOVID-19 пок кард. Дар ширкат ин гуна изҳоротро дурӯғпароканӣ хонданд, ки ба саломатии инсон хатар дорад.
Лентаи хабарҳо
0