Муноқишаи маргбор дар ноҳияи Рӯдакӣ: ВКД се ноболиғу ҷавонеро боздошт кард

© Sputnik / Табылды КадырбековДрака
Драка - Sputnik Тоҷикистон, 1920, 22.04.2021
Вазорати умури дохилии Тоҷикистон аз як муноқишаи гурӯҳии ноболиғону ҷавонон хабар медиҳад, ки дар пайи он як нафар ҳалок шудааст
ДУШАНБЕ, 22 апр — Sputnik. Ба иттилои манбаъ, ба ШВКД-1 дар ноҳияи Рӯдакӣ бо ариза марди 59-солаи сокини шаҳри Душанбе муроҷиат намудаст, ки шахсони номаълум писарашро корд задаанд.
Гуфта мешавад, ду рӯз қабл 20-уми апрели соли 2021, тахминан соати 18:30-дақиқа, шахсони номаълум бе ягон асос писараш ҷавони 24-солаи сокини ҳамон ҷоро дар ҷамоати шаҳраки Навободи ноҳияи мазкур бо корд 1-маротиба ба қафаси синааш задаанд.
“Дар натиҷа, ҷабрдида ҷароҳати вазнини ҷисмонӣ бардошта, дар беморхона ба ҳалокат расидааст”,- афзудааст манбаъ.
Здание МВД Республики Таджикистан  - Sputnik Тоҷикистон, 1920, 09.03.2021
Шарҳи ВКД дар бораи қатли писараки 7-сола дар Душанбе
Ин ниҳод гуфтааст, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия бо “изи гарм” ноболиғони 13, 17, 17 ва ҷавони 19-солаи сокинони ҷамоати шаҳраки Навободи ҳамин ноҳия бо гумони қасдан расонидани зарари вазнин ба саломатӣ дастгир карда шуданд.
Номбурдагон, шоми 20-уми апрел, тахминан соати 18:30, дар ҳудуди ҷамоати деҳоти Чортеппаи ноҳияи Рӯдакӣ байни худ бо ҷавони 24-солаи сокини шаҳри Душанбе, ноболиғи 17 ва ҷавони 19-солаи сокини ҷамоати деҳоти Навобод муноқиша карда, дар натиҷа яке аз ноболиғони гумонбаршаванда бо корд 1-маротиба ба қафаси синаи марҳум мезанад.
ВУД мегӯяд, аз рӯи ин ҳодиса тафтишот идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала