Международный аэропорт Челябинск - Sputnik Тоҷикистон, 1920
Парвозҳои миёни Русия ва Тоҷикистон: хабарҳои охирин

Шароити вуруди шаҳрвандони Тоҷикистон ба Русия тағйир ёфт

© Sputnik / Александр Кондратюк / Гузариш ба медиабонкМеждународный аэропорт Челябинск
Международный аэропорт Челябинск - Sputnik Тоҷикистон, 1920, 22.04.2021
Обуна шудан
Ҳоло вуруди худи шаҳрвандони Русия ба қаламрави кишвар тағйир ёфтааст. Ин дигаргунӣ ба вуруди шаҳрвандони хориҷӣ низ дахл дорад
ДУШАНБЕ, 22 апр — Sputnik. Қавонини нави вуруд ба қаламрави Русия эътибор пайдо кард. Дар ин бора сафорати Русия дар Тоҷикистон хабар дод.
Бар хабари манбаъ, қоидаҳои нав ҳам ба шаҳрвандони хориҷӣ ва ҳам ба шаҳрвандони худи Русия дахл дорад. Ҳоло дар кишвар тартиби супоридани санҷишҳо оид ба мавҷудият ва ё набудани коронавирус тағйир ёфт.
Маълум аст, ки бо фармони сардухтури давлатии санитарии Федератсияи Русия аз 16 апрели соли 2021 таҳти рақами 13 ба фармони No 7 аз 18 марти соли 2020 тағйирот ворид карда шуд. Қоидаҳои нав ду нуктаро дар бар мегиранд, ки барои ҳар як мусофире, ки аз дигар кишварҳо, аз ҷумла аз Тоҷикистон ба Русия меоянд, муҳиманд.
Акнун ҳар касе, ки ба қаламрави Федератсияи Русия ворид мешавад, бояд ду маротиба аз ташкихи коронавирус гузарад. Таҳлили аввал бояд дар муддати се рӯз аз рӯзи ташриф ва таҳлили дигар -дар муддати панҷ рӯз аз санаи убури марзҳои Русия гузаронида шавад.
Сафорат қайд кард, ки фосилаи байни ташхисҳои лабораторияи якум ва дуюм бояд ҳадди аққал як рӯз бошад.
Натиҷаҳои санҷиш бояд дар портали Хадамоти давлатӣ бо пур кардани варақаи "Додани маълумот дар бораи натиҷаҳои санҷиши сирояти нави коронавирус барои касоне, ки ба Федератсияи Русия меоянд" ҷойгир карда шаванд.
Начальник Главного управления по вопросам миграции МВД России генерал-лейтенант полиции Валентина Казакова - Sputnik Тоҷикистон, 1920, 21.04.2021
Кӯчидан аз Тоҷикистон ба Русия осон мешавад: шарҳи генерали рус
Ҳамзамон, таъкид мешавад, ки то маълум шудани натиҷаи ташхиси аввал бояд реҷаи худинзивоӣ қатъиян риоя карда шавад.
Шарти дуюми муҳим озмоиши интихобии коронавирус аст, ки онро барои шаҳрвандони хориҷӣ дар фурудгоҳҳои Русия гузаронидан мумкин аст.
Инчунин як талаби ҳатмӣ барои гирифтани маълумотномаи тиббӣ дар бораи натиҷаи манфии ташхиси (ПЦР) барои сирояти коронавирус, ки на дертар аз се рӯз пеш аз вуруд ба Русия гузаронида шудааст, мавҷуд аст, илова намуд сафорат.
Хотиррасон мекунем, ки ҳаракати мунтазами ҳавоӣ байни Русия ва Тоҷикистон аз 1 апрели соли 2021 барқарор карда шуд.
Лентаи хабарҳо
0