Маълум шуд, ки чӣ қадар муҳоҷири тоҷик дар Маскав аст

Мигранты у здания УФМС - Sputnik Тоҷикистон, 1920, 23.04.2021
Пулис се кишвари пешсаф аз рӯи теъдоди шаҳрвандони муҳоҷираш дар Маскавро ном бурд: Тоҷикистон дар ин феҳрист дар кадом зина қарор гирифт?
ДУШАНБЕ, 23 апр - Sputnik. Имрӯз дар Маскав тақрибан 800 ҳазор муҳоҷир аз кишварҳои мухталиф ҳузур доранд.
Ин нуктаро Дмитрий Сергиенко, сардори Раёсати муҳоҷирати Раёсати корҳои дохилии шаҳри Маскав, зимни ҷаласаи Комиссияи амният, сиёсати муҳоҷират ва равобити байни миллатҳо дар Палатаи ҷамъиятии шаҳр баён кард.
Посол России в Таджикистане Игорь Лякин-Фролов - Sputnik Тоҷикистон, 1920, 21.04.2021
Сафири Русия дар Тоҷикистон гуфт, кай созишномаҳои муҳоҷиратӣ ба имзо мерасанд
Ба гуфтаи вай, дар соли 2020 шумораи шаҳрвандони хориҷӣ дар пойтахт аз як миллион гузашт.
Сергиенко таъкид кард, ки аксари муҳоҷирон ба шаҳр аз кишварҳои Осиёи Марказӣ омадаанд.
"Шумораи шаҳрвандони хориҷӣ, ки дар Маскав иқомат доранд, 21% коҳиш ёфта, 789 ҳазор нафарро ташкил дод. Дар ҳамин давраи соли гузашта шумораи онҳо беш аз як миллион нафар буд", - гуфт намояндаи Сарраёсати Вазорати корҳои дохилии Русия.
Ба гуфтаи Сергиенко, аксар муҳоҷирон дар пойтахт аз Қирғизистон ҳастанд. Онҳо 30 дарсад аз шумораи умумии шаҳрвандони хориҷиро дар Маскав ташкил медиҳанд.
Дар ҷои дуввум, ба гуфтаи вазорат, Ӯзбекистон аст. Дар шаҳр 27 дарсади муҳоҷирони ин ин кишвар кору зиндагӣ мекунанд.

Тоҷикистон бошад, дар зинаи сеюм қарор гирифтааст. Ҳоло тақрибан аз шумори умумии муҳоҷирони тоҷик 20 дарсадаш дар Маскав кор ва зиндагӣ мекунанд.

Сергиенко қайд кард, ки аксари муҳоҷирон ба Русия бо тарзе меоянд, ки раводид талаб намекунад. Ин тақрибан 93% -ро ташкил медиҳад.
Дар байни шаҳрвандоне, ки бо раводид ба Маскав омадаанд, ҷои аввалро сокинони Чин (13%) ишғол мекунанд. Тақрибан 10% ба шаҳрвандони Туркия ва Ветнам тааллуқ дорад.
Посетитель в многофункциональном миграционном центре Москвы - Sputnik Тоҷикистон, 1920, 21.04.2021
Казакова гуфт, маркази муҳоҷиратро дар Тоҷикистон кӣ таъсис медиҳад ва ҳадаф чист
Илова бар ин, Сергиенко рӯшан кард, ки дар семоҳаи аввали соли 2021 шумораи хориҷиёне, ки ҳамчун муҳоҷир сабт шудаанд, 41,4% коҳиш ёфтааст. Ҳамзамон, дар байни онҳое, ки ба қайд гирифта шудаанд, шумораи аз ҳама зиёдтар - 64% ё 110 ҳазор нафар - муҳоҷирони меҳнатӣ мебошанд.
Тибқи иттилои вазорат, шумораи хориҷиёне, ки дар қайди муҳоҷират сабт шудаанд, вобаста ба тамдиди мӯҳлати будубош 42% афзудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала