Садамаи мудҳиш: мошини ҳомили 5 ҷавон ба Фондарё сарозер шуд

© МВД ТаджикистанаАвтомобиль опрокинулся в реку Фондарё
Автомобиль опрокинулся в реку Фондарё - Sputnik Тоҷикистон, 1920, 24.04.2021
Кумитаи ҳолатҳои фавқулодаи Тоҷикистон аз як садамаи мудҳиш хабар медиҳад, ки дар пайи он панҷ ҷавон маҷрӯҳ шудаанд
ДУШАНБЕ, 24 апр — Sputnik. Тибқи иттилои дафтари матбқотии ин ниҳод, садама рӯзи 23-уми апрели соли равон, дақиқан соати 08:30 дақиқа дар километри 100-уми шоҳроҳи Душанбе-Хуҷанд-Чаноқ, дар мавзеъи деҳаи Работи ҷамоати шаҳраки Зарафшони ноҳияи Айнӣ сар задааст.
Ба иттилои манбаъ, автомашинаи тамғаи “Таёта-Кемри”, ки аз ҷониби як сокини 20-солаи шаҳри Душанбе идора мешуд, ба ҷарии умқаш 15-20 метр дар соҳили Фондарё сарозер шуд.
Разбитое стекло автомобиля, архивное фото - Sputnik Тоҷикистон, 1920, 24.04.2021
Ҳалокати аробакаши солхӯрда дар садама
Ин мошин аз шаҳри Душанбе ба самти Хуҷанд дар ҳоли ҳаракат буд, афзудааст манбаъ.
"Дар натиҷа ронанда бо 4 нафар ҳамсафаронаш ҷароҳатҳои вазнини ҷисмонӣ бардошта, аз ҷониби наҷотдиҳандагони Раёсати Кумитаи ҳолатҳои фавқулодда дар водии Зарафшон аз дохили мошин берун оварда шуда, ба беморхонаи ноҳиявии ноҳияи Айнӣ бистарӣ карда шуданд", - гуфтааст КҲФ.
Гуфта мешавад, айни ҳол онҳо таҳти назорати табибон қарор дошта, ҳамаи ҷароҳатбардоштагон ҷавонони 18-22-сола мебошанд.
Ин ниҳод мегӯяд, ҳоло сабаби ин садама таҳқиқ мешавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала