Пограничник на смотровой вышке на границе Кыргызстана. Архивное фото - Sputnik Тоҷикистон, 1920
Вазъ дар марзи Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

Мувофиқаи Раҳмон барои ҷаласаи фаврӣ дар Бодканд: тафсилот

© Пресс-служба президента ТаджикистанаПрезидент Республики Таджикистан Эмомали Рахмон
Президент Республики Таджикистан Эмомали Рахмон - Sputnik Тоҷикистон, 1920, 30.04.2021
Обуна шудан
Раисҷумҳури Тоҷикистон дар бораи баргузор кардани ҷаласаи Ҳайатҳои ҳукуматии Тоҷикистону Қирғизистон оид ба делимитсия ва демаркатсия дар шаҳри Бодканд бо ҳамтои қирғизаш ба мувофиқа расид
ДУШАНБЕ, 30 апр — Sputnik. Раисҷумҳури Тоҷикистон Эмомалӣ Раҳмон бо президенти Қирғизистон Содир Ҷабборов дар бораи фавран баргузор кардани Ҳайатҳои ҳукуматии ҷонибҳо оид ба делимитсия ва демаркатсия дар шаҳри Бодканд ба мувофиқа расид.
Дар ин бора дафтари матбуоти раисҷумҳури Тоҷикистон гузориш медиҳад.
Дар рафти сӯҳбати телефоние, ки сарони кишварҳо баъди зӯҳри имрӯз доштанд, ба қарор омаданд, ки ин ҷаласа 1 май дар Қирғизистон баргузор мешавад.
Военные в селе Ходжа Ало - Sputnik Тоҷикистон, 1920, 30.04.2021
Вазъ дар марзи Тоҷикистону Қирғизистон
Қирғизистон омори кушташудаҳо ва захмиёни низои марзиро нашр кард
Дар ҷараёни суҳбат сарони давлатҳо оид ба ҳодисаҳои ахири низоъбарангези ноҳияҳои сарҳадӣ ибрози андеша намуда, вазъи сарҳадоти байни Тоҷикистону Қирғизистонро мавриди муҳокима қарор доданд.
Аҳаммияти хассаи иҷрои пайвастаи мувофиқаҳои бадастомада, ки ба муътадил намудани вазъият ва роҳ надодан ба шиддат гирифтани он, аз ҷумла оташбаси комил ва хуруҷи қушунҳо аз хатти марз дар муҳлатҳои муайянгардида равона шуданд, таъкид гардид.
Дар ин зимн президентҳо муҳиммияти идомаи муколамаи байнидавлатии Тоҷикистону Қирғизистонро ҷиҳати пешбурди минбаъдаи раванди гуфтушунидҳои марбут ба масъалаҳои марзӣ таъкид намуданд.
Ҳамчунин, ҷонибҳо ба мувофиқа расиданд, ки тамоми маҷмӯи масъалаҳои муносибатҳои Тоҷикистон ва Қирғизистон дар асоси дуҷониба дар рӯҳияи ҳусни ҳамҷаворӣ ва ҳамдигарфаҳмӣ ва бо роҳи музокироту машварат ҳаллу фасл карда шаванд.
Ёдрас мешавем, пештар хабар дода шуд, ки раисҷумҳури Қирғизистон моҳи май ба Тоҷикистон сафар мекунад.
Ин даъватро аз ҷониби Қирғизистон Эмомалӣ Раҳмон анҷом додааст ва Содир Ҷабборов пазируфтааст.

Вазъ дар марз

Вазъ дар марзро баъди ду рӯзи бесарусомнӣ феълан манбаъҳо ором арзёбӣ мекунанд.
Ҷонибҳо аллакай дар бораи оташбас санад имзо карданд ва мувофиқа расиданд, ки техникаву нерӯро аз марз бозпас гиранд ва роҳҳро кушоянд.
Саймумин Ятимов. Архивное фото - Sputnik Тоҷикистон, 1920, 30.04.2021
Вазъ дар марзи Тоҷикистону Қирғизистон
Созиши Ятимов ва Тошиев барои бозпасгирии техникаву нерӯ аз соати 13:00 ва роҳкушоӣ
Ёдрас мешавем, пештар шаби 30 апрел мақомоти Тоҷикистону Қирғизистон пас аз музокирот изҳороти муштаракеро бо имзои роҳбари КДАМ Тоҷикистон, Саймумин Ятимов ва намояндаи сиёсии ҳукумати Қирғизистон дар вилояти Бодканд, Омурбек Суваналиев интишор карданд.
Дар ин изҳороти муштарак гуфта шудааст, ки ҳарду кишвар ба даргириҳои мусаллаҳона хотима дода, ҳайати шахсӣ ва техникаи ҳарбӣ ба минтақаҳои ҷойгиршавии доимӣ баргардонида хоҳанд шуд.
Лентаи хабарҳо
0