Азим Иброҳим аз сохтмони пули ҳафтум ба Афғонистон аз сӯи Бунёди Оқохон гуфт

© Sputnik / Владимир Вяткин / Гузаштан ба хазинаи аксПограничная с Афганистаном река Пяндж. Архивное фото.
Пограничная с Афганистаном река Пяндж. Архивное фото. - Sputnik Тоҷикистон, 1920, 08.05.2021
Азим Иброҳим, вазири нақлиёти Тоҷикистон, гуфт, Бунёди Оқохон ва шарикони рушд пули ҳафтум аз болои дарёи Панҷ ба Афғонистонро месозанд
ДУШАНБЕ, 8 май — Sputnik. Ҳамоиш барои рушди иқтисодии минтақавӣ бо иштироки Азим Иброҳим, вазири нақлиёти Тоҷикистон, Хамед Форёбӣ, вазири иқтисоди Афғонистон ва шарикони рушд дар шаҳри Душанбе баргузор гардид.
Тибқи иттилои Вазорати нақлиёти Тоҷикистон, Азим Иброҳим изҳор дошт, ки бо дастгирии шарикони рушд, Бунёди Оқохон сохтмони пул ҳафтум ба Афғонистонро дар мавзеи Кокули ноҳия Фархор ва Ойхонуми вилояти Тахор оғоз мекунад.
“Мақсад аз сохтмони пулҳои байни ду кишвар ин таъмини инфрасохтори зарурӣ, рушди тиҷорати наздисарҳадӣ, рафтуомади бемамонияти шаҳрвандон, табодули беҳтарин дастовардҳои тарафҳо, таҷриба, хизматрасонӣ, таҳкими муносибатҳои дуҷониба ва бо ин тартиб баланд бардоштани сатҳи некуаҳволии сокинони ноҳияҳои ҳаммарз ва минтақаи ду кишвари дӯсту ҳамсоя мебошад”, - таъкид кардааст Азим Иброҳим.
Мулоқоти Вазири корҳои хориҷии Тоҷикистон Сироҷиддин Муҳриддин бо Намояндаи вежаи Иёлоти Муттаҳидаи Америка барои сулҳ дар Афғонистон Залмай Халилзод - Sputnik Тоҷикистон, 1920, 04.05.2021
Мулоқоти Муҳриддин бо намояндаи вижаи ИМА: аз сулҳ дар Афғонистон то ҳамкориҳо бо Амрико
Маврид ба зикр аст, ки то ба имрӯз мо 6 пули фаромарзӣ байни Тоҷикистон ва Афғонистон мавриди истифода қарор доранд.
Дарозии пули ҳафтум дар мавзеи Кокул миёни ноҳияи Фархори Тоҷикистон ва Ойхонуми Афғонистон 297 метр, бари он 4,5 метр, иқтидори борбардорӣ 60 тонна, дарозии роҳи автомобилгарди ба пул баранда 18,5 км ва арзиши сохтмони онҳо ҳудуди 9,8 миллион долларро ташкил медиҳад.
Тибқи иттилои расмӣ, феълан дар сарҳади давлатии Тоҷикистон ва Афғонистон 4 маркази тиҷорати наздисарҳадӣ, инчунин, дар ноҳияҳои наздики сарҳад бо Афғонистон 4 минтақаи озоди иқтисодӣ таъсис дода шудаанд, ки соҳибкорони Афғонистони ҳамҷавор метавонанд дар фаъолияти онҳо ширкати фаъол дошта бошанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала