Пограничник на смотровой вышке на границе Кыргызстана. Архивное фото - Sputnik Тоҷикистон, 1920
Вазъ дар марзи Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

Оғози санҷиш алайҳи фармондеҳи "ОМОН" - и Тоҷикистон: парванда дар КДАМ Қирғизистон

© Пресс-служба президента ТаджикистанаХуршед Изатулло Мухаммадзода. Архивное фото
Хуршед Изатулло Мухаммадзода. Архивное фото - Sputnik Тоҷикистон, 1920, 11.05.2021
Обуна шудан
Додситонии кулли Қирғизистон ба аъмоли генерал Хуршед Муҳаммадзода, фармондеҳи воҳиди таъйиноти махсуси ВУД Тоҷикистон баҳои ҳуқуқӣ медиҳад
ДУШАНБЕ, 11 май – Sputnik. Парвандаи ҷиноӣ дар тобеияти Кумитаи давлатии амнияти миллии Қирғизистон қарор дорад, хабар дод “Интерфакс” аз қавли Белек Каликов, сардори хадамоти матбуоти Додситонии кулли Қирғизистон.
“Бар асоси наворе, ки дар шабакаҳои иҷтимоӣ нашр гардидааст, иштироки генерал дар муноқишаи мусаллаҳонаи 28 – 29 апрел ҷой дорад”, - таъкид намуд Каликов.
Генерал майор Хуршед Муҳаммадзода аз моҳи майи соли 2015 ба ҷои Гулмурод Ҳалимови фирорӣ дар вазифаи сардори Раёсати воҳидҳои таъйиноти махсуси ВУД Тоҷикистон хидмат мекунад.
Муҳаммадзода ахиран дар шарҳи муноқишаи марзӣ изҳор дошт, ки тирпаронӣ нахуст аз ҷониби Қирғизистон оғоз гардид. Мақомоти қирғиз ҷониби Тоҷикистонро дар оғози даргирӣ муттаҳам мекунанд.
Парламент Киргизии утвердил назначение С. Жапарова на пост премьер-министра - Sputnik Тоҷикистон, 1920, 06.05.2021
“Узрхоҳии Тошиев аз ҳайати Тоҷикистон”: КДАМ видеоро сохтакорӣ хонд - навор
Генерал Хуршед Муҳаммадзода дар суҳбат бо расонаҳои маҳаллӣ гуфт, мушкилотро бояд тариқи музокирот ҳал кард, на бо зури силоҳ, чун тоҷикону қирғизҳо ҳамсояҳои азалиянду онҳоро намешавад кӯчонд. Ӯ ҳамчунин ҳушдор дод, ки ба истифодаи зӯрӣ вокуниш хоҳанд кард, чун ин масъулияташон назди мардум мебошад.
Бар асоси ҳолномаи нашркардаи ВУД Тоҷикистон, генерал Муҳаммадзода Хуршед соли таваллудаш 2 марти соли 1972, миллаташ тоҷик, маълумоташ олии ҳарбӣ ва олии ҳуқуқӣ буда, дар мақомоти қудратӣ аз 13 майи соли 1990 хизмат мекунад. Ӯ дар мақомҳои гуногун дар Вазорати дифоъ ва Вазорати умури дохилии Тоҷикистон кор кардааст.

Танишу созиш дар марзи Тоҷикистону Қирғизистон

Вазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид.
Теъдоди қурбониён аз ҳар ду тараф беш аз 55 нафарро ташкил медиҳад. Мақомоти Тоҷикистон гуфтанд, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидаанд. Қирғизистон аз ҳалокати 36 шаҳрвандаш дар ин даргирӣ хабар дод.
Тибқи иттилои Кумитаи давлатии амнияти миллии Тоҷикистон, муттаҳамони қазия шаҳрвандони Қирғизистон будаанд, ки ба сӯи тоҷиконе, ки мехостанд дар он ҷой камераҳои назоратӣ насб кунанд, санг андохтанд ва ҳатто дар ин муноқиша низомиён дар либоси мулкӣ истифода шуданд.
Музокираи ҳайатҳои Тоҷикистон ва Қирғизистон - Sputnik Тоҷикистон, 1920, 06.05.2021
Роҳ ба Ворух ва оғози тақсимот: тафсилоти созиши Ятимов ва Тошиев - санад
Бишкек дар навбати худ гуфт, ки шаҳрвандони Тоҷикистон муноқишаро ба роҳ монданд, ба сӯи ҳамсояҳояшон аз силоҳ оташ кушоданд.
Феълан вазъ дар марз муътадил арзёбӣ гардида, 2 май ҳайатҳои Тоҷикистон ва Қирғизистон протоколи муштарак дар бораи делимитатсия ва демаркатсияи сарҳадро ба имзо расонданд.
Тоҷикистону Қирғизистон ҳудуди 970 километр марзи муштарак доранд, ки аз ин то ҳол ҳудуди 520 километраш аломатгузорӣ шуда, боқимонда ҳанӯз ҳам номуайян мебошад.
Лентаи хабарҳо
0