Оғози бозиҳои Лигаи футболи бонувони Тоҷикистон

© Sputnik Амир ИсаевФК "Ласточка", архивное фото
ФК Ласточка, архивное фото - Sputnik Тоҷикистон, 1920, 14.05.2021
Дар қароргоҳи Федератсияи футболи Тоҷикистон маросими қуръакашии ҷадвали бозиҳои лигаи футболи бонувони Тоҷикистон дар мавсими нав доир гардид
ДУШАНБЕ, 14 май — Sputnik. Кумитаи миллии олимпии Тоҷикистон мегӯяд, дар чорумин чемпионати ҷумҳурӣ оид ба футбол миёни бонувон 10 даста иштирок мекунанд.
Манбаъ дар феҳрасти тимҳои бонувон аз ҷумла “Зебонисо” (Душанбе), “Хатлон” (Бохтар), “Суғд” (Суғд), “Конибодом” (Конибодом), “Зебо” (Дӯстӣ), “Бешкент” (Носири Хусрав), “Чашма” (Шаҳритус), “Равшан” (Кӯлоб), “Ҳосилот” (Фархор) ва “Нушофарин” (Бохтар) – ро ном бурд.
Таъкид шуд, ки мавсими нави лигаи футболи бонувон 15 май оғоз мегардад ва дар ду марҳила сурат мегирад. Дастаҳо дар мавсим 18 бозӣ анҷом хоҳанд дод.
Фарзона Ақназарова - Sputnik Тоҷикистон, 1920, 23.03.2017
Гурдофариди тоҷик: дар Тоҷикистон ояндае барои футболи занона надидам
“Дар асоси қуръакашӣ дар даври аввали Чемпионати Тоҷикистон “Зебонисо” бо “Бешкент”, “Суғд” бо “Равшан”, “Зебо” бо “Нушофарин”, “Ҳосилот” бо “Хатлон” ва “Конибодом” бо “Чашма” вомехӯранд”, - омадааст дар иттилоия.
Инчунин зикр шуд, ки Федератсияи футболи Тоҷикистон ҳамаи дастаҳои бонувонро бо либоси варзишӣ ва тӯб таъмин намуда, ҳамчунин ҳаққи хизмати доварон ва хароҷоти сафари дастаҳоро дар меҳмонӣ пардохт мекунад.
Маврид ба зикр аст, ки ғолиби мавсими гузаштаи Лигаи футболи бонувони Тоҷикистон дастаи “Зебонисо”-и шаҳри Душанбе мебошад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала