Тоҷикистон барои муайянсозии олудагии ҳаво ду озмоишгоҳи нав гирифт

© Sputnik / Амир ИсаевПыльная буря в Душанбе
Пыльная буря в Душанбе - Sputnik Тоҷикистон, 1920, 14.05.2021
Озмоишгоҳҳои сайёр барои дастрас намудани маълумоти фаврӣ ва дақиқ оид ба вазъи олудагии ҳавои шаҳру ноҳияҳои ҷумҳурӣ мусоидат менамоянд
ДУШАНБЕ, 14 май - Sputnik. Тоҷикистон барои муайянсозии олудагии ҳаво ду озмоишгоҳи нав гирифт, хабар медиҳад Кумитаи ҳифзи муҳити зисти Тоҷикистон.
Бино бар иттилои манбаъ, кишвар ду авто-озмоишгоҳи сайёр барои мониторинги ҳавои атмосферӣ ворид намуд.
Гуфта мешавад, озмоишгоҳ бо мақсади мукаммалсозии низоми мониторинги ҳавои атмосферӣ аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон харидорӣ кард.
Разрезание ленточки во время открытие объекта - Sputnik Тоҷикистон, 1920, 13.04.2021
Дар ноҳияи Абдураҳмони Ҷомӣ бинои маъмурии бахши ҳифзи муҳити зист ифтитоҳ шуд
Воридоти мошинҳо бо ҷалби маблағҳои грантии лоиҳаи минтақавии "Мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал" (CAMP4ASB) роҳандозӣ шудаанд.
Гуфта мешавад, озмоишгоҳҳои сайёр рӯзҳои наздик мавриди истифода қарор дода мешаванд.
"Озмоишгоҳҳои сайёр барои дастрас намудани маълумоти фаврӣ ва дақиқ оид ба вазъи олудагии ҳавои шаҳру ноҳияҳои ҷумҳурӣ мусоидат менамоянд", - тавзеҳ медиҳад манбаъ.
Таҷҳизоти дар озмоишгоҳи сайёр насбгардида истеҳсоли давлатҳои Аврупо ва Русия мебошанд.
Песчаная буря в Китае - Sputnik Тоҷикистон, 1920, 15.03.2021
Хокрезиш дар Макка ва Пекин: ба Тоҷикистон мерасад?
Ҳамзамон дар доираи қисмати минтақавии лоиҳа 7 стансияи худкори (автоматикӣ) метеорологӣ ва инчунин 15 компютер ва лавозимоти дигари техникӣ барои Агентии обуҳавошиносии Кумита ворид ва насб карда шудаанд.
Дар доираи лоиҳаи мазкур ворид намудани 16 стансияи худкор оид ба мониторинги муҳити зист ва таҷҳизот ҷиҳати ташкили майдончаи таълимии метеорологӣ барои Донишгоҳи аграрии Тоҷикистон пешбинӣ шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала