Пайомадҳои COVID-19 дар Тоҷикистон ва ҷаҳон
Авохири моҳи декабри соли 2020 мақомоти Чин аз бурузи маризии илтиҳоби шуш бо нишонаҳои номаълум дар шаҳри Вуҳан хабар доданд.

Нигаронии мақомоти Хуҷанд аз риоя накардани қоидаҳои беҳдоштӣ барои пешгирӣ аз COVID–19

© Sputnik Автобусы в городе Худжанд
Автобусы в городе Худжанд - Sputnik Тоҷикистон, 1920, 17.05.2021
Сардори Маркази назорати давлатии санитарию эпидемологии шаҳри Хуҷанд дар як ҷаласа изҳори нигаронӣ намудааст, ки мутаассифона, айни ҳол на ҳамаи сокинони шаҳр талаботи ҳатмии беҳдоштӣ барои ҷилавгирӣ аз COVID-19 - ро риоя мекунанд
ДУШАНБЕ, 17 май – Sputnik. Бино бар иттилои дафтари матбуоти мақомоти шаҳри Хуҷанд, ахиран бо мақсади пешгирӣ аз мавҷи дигарбораи бемории сироятии COVID–19 силсилаи мулоқотҳо бо қишрҳои гуногуни ҷомеа, аз ҷумла намояндагони маориф, тандурустӣ, марказҳои савдо, кумитаи маҳаллаҳо ва ғайраҳо баргузор гардид.
Таҳмина Усмонова, сардори Маркази назорати давлатии санитарию эпидемологии шаҳри Хуҷанд зимни мулоқот таъкид доштааст, ки дар кишварҳои ҳамсоя Ӯзбекистон, Қирғизистон ва Қазоқистон вазъ нигаронкунанда шудааст.
Тахмина Усмонова афзуд, ки ҳарчанд аз оғози сол бемории короновирус дар Тоҷикистон ба қайд гирифта нашуда бошад ҳам, мақомоти вилояти Суғд ва шаҳри Хуҷанд, барои пешгирӣ аз паҳншавии ин беморӣ чораҳои дахлдор меандешад.
Президент Республики Таджикистан Эмомали Рахмон - Sputnik Тоҷикистон, 1920, 26.04.2021
Раҳмон гуфт, коронавирус несту оқибатҳояш ҳаст: Ӯ аз бекорӣ, нархҳо ва қурб зикр кард
Дар ин ҷаласа, зикр гардид, ки ягона роҳи асосии сироят наёфтан ба бемории короновирус, эҳтиёткорӣ аст.
“Аз ин рӯ, роҳҳои асосии пешгирии ин ҳолат риояи гигиенаи шахсӣ, истифода аз ниқобҳои тиббӣ ва маҳлулҳои антисептикӣ, тоза нигоҳ доштани муҳити зист, пайваста шустани дастон бо собун ва риояи фосила маҳсуб меёбанд”, - гуфт хонум Усмонова.
Инчунин сардори Маркази назорати давлатии санитарию эпидемологии шаҳри Хуҷанд изҳори нигаронӣ намуд, ки мутаассифона, айни ҳол на ҳамаи сокинони шаҳр чунин талаботи ҳатмиро риоя мекунанд.
“Тавре аз мушоҳидаҳо бармеояд, имрӯзҳо аксар вақт дар ҷойҳои ҷамъиятӣ ва серодам бахусус дар бозорҳо, нақлиёти ҷамъиятӣ ҳолати бениқоб гаштугузор кардани шаҳрвандон ва риоя накардани фосилаи иҷтимоӣ ба назар мерасад, ки аз беэҳтиётӣ ва нописандӣ дарак медиҳад”, - гуфт ӯ.
Зикр шудааст, ки роҳбарону масъулини дахлдор вазифадор карда шуданд, ки дар самт ҷилавгирӣ аз сирояти бемории короновирус тамоми шароити заруриро муҳайё намоянд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала