Вазир: додугирифти Тоҷикистону Ӯзбекистон дар се моҳ 23,1 миллион доллар афзоиш ёфт

© Sputnik / Амир ИсаевМинистр экономики Таджикистана Завки Завкизода
Министр экономики Таджикистана Завки Завкизода - Sputnik Тоҷикистон, 1920, 17.05.2021
Вазири рушди иқтисод ва савдои Тоҷикистон зимни мулоқот бо вазири сармоягузорӣ ва савдои хориҷии Ӯзбекистон аз афзоиши гардиши молу маҳсулот миёни ду кишвар гуфт
ДУШАНБЕ, 17 май — Sputnik. Ахиран дар шаҳри Тошканд, дар ҳошияи ҷаласаи ҳаштуми Комиссияи байниҳукуматии Тоҷикистону Ӯзбекистон оид ба ҳамкориҳои тиҷоратию иқтисодӣ мулоқоти Вазири рушди иқтисод ва савдои Тоҷикистон Завқизода Завқӣ Амин бо муовини Сарвазир, вазири сармоягузорӣ ва савдои хориҷии Ӯзбекистон Умурзақов Сардор Уктамович баргузор гардид, иттилоъ додааст дафтари матбуоти вазорати иқтисод.
Дар ин мулоқот вазири рушди иқтисод ва савдои Тоҷикистон қайд намудааст, ки Ӯзбекистон яке аз шарикони асосии стратегии Тоҷикистон буда, дар семоҳаи аввали соли 2021 гардиши савдо байни ду кишвар 104 миллион долларро ташкил дод.
Манбаъ қайд кардааст, ки ин нишондиҳанда нисбат ба ҳамин давраи соли 2020-ум 23,1 миллион доллар афзоиш ёфтааст.
Город Ташкент, архивное фото - Sputnik Тоҷикистон, 1920, 15.05.2021
Ҳамкориҳои иқтисодии Тоҷикистону Ӯзбекистон тақвият меёбад
Қайд шудааст, ки зимни мулоқот тарафҳо ба мувофиқа расиданд, ки дар самти лоиҳаҳои афзалиятноки рушди ҳамкориҳои тиҷоратию иқтисодӣ, масъалаҳои таъсиси корхонаҳои муштарак дар ҳудуди минтақаҳои озоди иқтисодии Тоҷикистон ва мубодилаи таҷриба байни вазоратҳои ҳарду кишвар дар самтҳои дурнамосозии макроиқтисодӣ, тиҷорати электронӣ ва содагардонии расмиёти савдо ҳамкорӣ намоянд.
Дар анҷоми мулоқот тарафҳо омодагии худро барои густариши ҳамкориҳои судманд изҳор карданд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала