Ҷаҳиши рекордии евро дар Тоҷикистон: рубл ҳам боло рафт

© Sputnik / Владимир Трефилов / Гузаштан ба хазинаи аксДенежные купюры, архивное фото
Денежные купюры, архивное фото - Sputnik Тоҷикистон, 1920, 19.05.2021
Бонки миллии Тоҷикистон арзиши сомониро нисбат ба асъори хориҷӣ эълон кард, ки бар асоси ин нишондодҳо қурби пули аврупоӣ ба таври рекордӣ боло рафтааст
ДУШАНБЕ,19 май — Sputnik. Асъори аврупоӣ, дар ҳоли афзоиш буда, ба баландтарин сатҳи нишондодҳо мерасад. Имрӯз дар Тоҷикистон 1 евро бар ивази 13,8206 сомонӣ фурӯхта мешавад.
Ин дар ҳолест, ки аввали моҳи гузашта ин асъор ба таври назаррас коҳиш ёфта буд.
Рубли русӣ низ дар баробари асъори аврупоӣ боло рафта, доллар бошад, устувории қаблиро нигоҳ медорад.
Тибқи нишондоди Бонки миллии Тоҷикистон, арзиши 1 рубли русӣ барои имрӯз 0.1530 сомонӣ нишон дода шудааст.
Дар мавриди доллар бошад, тибқи нишондоди БМТ, он дар сатҳи мӯътадил 11,32 сомонӣ барои як доллар нигоҳ дошта мешавад.
Ҳамчунин, имрӯз қурби миёнаи фурӯши асъори хориҷии нақд дар муассиcаҳои ташкилоти қарзии Тоҷикистон 1 доллари ИМА аз 11.3200 то 11.3400 сомонӣ, 1 евро аз 13.8100то 13.9100 сомонӣ ва 1 рубли русӣ аз 0.1530 то 0.1545 сомонӣ муқаррар шудааст.
Банкноты номиналом 1 доллар США. - Sputnik Тоҷикистон, 1920, 13.04.2021
Коршиносон гуфтанд арзиши доллар дар охири сол чӣ гуна хоҳад буд
Қурби ҳаррӯзаи асъор аз сӯи БМТ бо мақсади баҳисобгирӣ ва пардохти боҷҳои гумрукӣ дар кишвар муқаррар карда мешавад.
Бонки Миллӣ ҳушдор медиҳад, ки амалиёти асъорӣ берун аз филиалҳо, офисҳои марказҳои хидматрасонии бонкҳо, инчунин банкоматҳо ва терминалҳо манъ аст.
Риоя накардани ин талабот дар Тоҷикистон ҷиноят ҳисобида мешавад ва шахс ба ҷавобгарии маъмурӣ ва ҷиноятӣ кашида мешавад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала