Въезд в Ворух, архивное фото - Sputnik Тоҷикистон
То кай? баҳсҳои марзии Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

Лавров: Русия аз ҳалли низои марзии Тоҷикистону Қирғизистон истиқбол кард

© Sputnik / Амир ИсаевВъезд в Ворух, архивное фото
Въезд в Ворух, архивное фото - Sputnik Тоҷикистон, 1920, 19.05.2021
Вазири Русия гузариш аз низоъ дар марз ба ҳамкориро намунаи мусбати ҳарду ҷумҳурӣ номид
ДУШАНБЕ, 19 май - Sputnik. Дар гуфтушунидҳо вазири корҳои хориҷии Русия Сергей Лавров ва вазири корҳои хориҷии Тоҷикистон Сироҷиддин Муҳриддин муноқишаи марзӣ миёни Тоҷикистону Қирғизистонро баррасӣ карданд.
Лавров гузариш аз низоъ дар марз ба ҳамкориро намунаи мусбати ҳарду ҷумҳурӣ номид.
"Мо хеле хурсандем, ки марҳилаи гарми муноқиша дар гузашта монд. Аммо муҳимтар аз ҳама он аст, ки кишварҳо дар самти демилимитатсия ва аломатгузории марз корро шурӯъ кардаанд. Ин барои тамоми фазои пасошӯравӣ намунаи хеле хуб аст", - гуфт дипломати рус.
Қаблан низ Вазорати корҳои хориҷии Русия эълон карда буд, ки бо изтироб ҳаводиси марзии Тоҷикистону Қирғизистонро пайгирӣ кард ва ҳатто пешниҳод низ карда буд, ки дар ҳалли ин масъала миёнҷигарӣ кунад.

Танишу созиш дар марзи Тоҷикистону Қирғизистон

Вазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид.
Теъдоди қурбониён аз ҳар ду тараф беш аз 55 нафарро ташкил медиҳад. Мақомоти Тоҷикистон гуфтанд, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидаанд. Қирғизистон аз ҳалокати 36 шаҳрвандаш дар ин даргирӣ хабар дод.
Сотрудники погранслужбы на контрольно-пропускном пункте на границе Кыргызстана и Казахстана - Sputnik Тоҷикистон, 1920, 18.05.2021
То кай? баҳсҳои марзии Тоҷикистону Қирғизистон
Дар марзи Тоҷикистону Қирғизистон постгоҳҳои полис таъсис ёфтанд
Тибқи иттилои Кумитаи давлатии амнияти миллии Тоҷикистон, муттаҳамони қазия шаҳрвандони Қирғизистон будаанд, ки ба сӯи тоҷиконе, ки мехостанд дар он ҷой камераҳои назоратӣ насб кунанд, санг андохтанд ва ҳатто дар ин муноқиша низомиён дар либоси мулкӣ истифода шуданд.
Бишкек дар навбати худ гуфт, ки шаҳрвандони Тоҷикистон муноқишаро ба роҳ монданд, ба сӯи ҳамсояҳояшон аз силоҳ оташ кушоданд.
Феълан вазъ дар марз муътадил арзёбӣ гардида, 2 май ҳайатҳои Тоҷикистон ва Қирғизистон протоколи муштарак дар бораи делимитатсия ва демаркатсияи сарҳадро ба имзо расонданд.
Тоҷикистону Қирғизистон ҳудуди 970 километр марзи муштарак доранд, ки аз ин то ҳол ҳудуди 520 километраш аломатгузорӣ шуда, боқимонда ҳанӯз ҳам номуайян мебошад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала