Ҳаракати мошинҳо кам шуд: болоравии нархи гази моеъ дар Тоҷикистон

© Sputnik Амир ИсаевАЗС на дороге "Душанбе - Курган-Тюбе". Архивное фото
АЗС на дороге Душанбе - Курган-Тюбе. Архивное фото - Sputnik Тоҷикистон, 1920, 20.05.2021
Арзиши гази моеъ тайи ду-се рӯзи охир боз боло рафта ба 5 сомонӣ расидааст
ДУШАНБЕ, 20 май – Sputnik. Дар нуқтаҳои фурӯши сӯзишворӣ дар вилдояти Суғд боз болоровии нархи гази моеъ мушоҳида мешавад.
Тавре ронандаҳо ба Sputnik Тоҷикистон хабар доданд, тайи ду-се рӯзи охир болоравии нарх тақрибан дар тамоми нуқтаҳои фурӯши сӯзишворӣ мушоҳида мешавад.
Ба гуфтаи ронандаҳо дар рӯзҳои ахир нархи як литр гази моеъ тақрибан 25 дирам боло рафта дар марзи 5 сомонӣ қарор гирифтааст.
Ронандаҳо мегӯянд, ки ба сабаби болоравии нарх ва камбуди гази моеъ дар НФС шумори нақлиёт дар роҳҳои вилоят низ ба маротиб коҳиш ёфтааст.
Бояд гуфт дар вилояти Суғд ҳоло як литр бензини АИ 95 – 9 сомонӣ арзиш дорад. Инчунин нархи як литр бензини АИ 92-8,7 сомонӣ ва сӯзишвории дизелӣ 8,2, сомониро ташкил медиҳад.
© Sputnik Цены топлива на автозаправке в Таджикистане
Цены топлива на автозаправке в Таджикистане - Sputnik Тоҷикистон, 1920, 20.05.2021
Цены топлива на автозаправке в Таджикистане
Баъзе аз масъулони ширкатҳои таъминоти сӯзишвории нақлиёт (АЗС) болоравии арзиши маводи сӯхтро ба коҳишёбии ҳаҷми воридоти он рабт медиҳад.
Ёдрас мешавем, ки чанде пеш дар Тоҷикистон болоравии нархи ҳама намуди маводи сӯзишвории воситаи нақлиёт мушоҳида шуда буд. Он замон нархи сӯзишворӣ дар Тоҷикистон якбора то 10 дарсад боло рафта буд.
Автобусы в городе Худжанд - Sputnik Тоҷикистон, 1920, 17.03.2021
Нархи гарони сӯзишворӣ фаъолияти автобусҳои Хуҷандро мушкил кард: харҷ аз даромад зиёд
Қаблан баъзе аз масъулони ширкатҳои таъминоти сӯзишвории нақлиёт (АЗС) он замон болоравии арзиши маводи сӯхтро ба коҳишёбии ҳаҷми воридоти он шарҳ дода буданд.
Бояд гуфт, ки дар Тоҷикистон маводи сӯхт аз хориҷа асосан аз Русия ва Қазоқистон ворид карда мешавад. Бино ба иттилоъи мақомоти гумрук, соли гузашта беш аз 430 ҳазор тон гази моеъ, 180 ҳазор тон бензин ва бештар аз 250 ҳазор тон маводи дизелӣ ба Тоҷикистон ворид шудааст.
Ширкатҳои "Фароз", "Газпром", "Газойл", "Ориё", "Роҳи Сомон нафт", "Се ганҷ" ва "Суғднефт" аз ҷумлаи воридкунандаҳои маводи сӯзишворӣ дар Тоҷикистон ба ҳисоб мераванд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала