Кафкӯбиҳои Эмомалӣ Раҳмон ба Хушқадам Хусравов: Президент ба ӯ суоли аҷиб дод - видео

© Пресс-служба президента ТаджикистанаПрезидент Таджикистана Эмомали Рахмон
Президент Таджикистана Эмомали Рахмон - Sputnik Тоҷикистон, 1920, 23.05.2021
Президенти Эмомалӣ Раҳмон дар рӯзи мулоқоташ бо ҷавонон, ки ба муносибати Рӯзи ҷавонон сурат гирифт аз қаҳрамони ҷаҳон оид ба самбо Хушқадам Хусравов суоли аҷиб пурсид
ДУШАНБЕ, 23 май - Sputnik. Ҳангоме, ки варзишкори тоҷик Хушқадам Хусравов худро ҳамчун қаҳрамони ҷаҳон муаррифӣ мекард, Президент ба ӯ кафкӯбӣ кард.
Хушқадам Хусравов дар суҳбаташ аз даврони истиқлол гуфту изҳор дошт, ки имрӯз барои рушди варзиш дар Тоҷикистон ҳамаи шароит муҳайё аст.
"Соли таваллудат чанд аст, - пурсид президент. 1993 - посух дод Хусравов ва раисиҷумҳур бо қаноатмандӣ гуфт, зодаи замони истиқлол.
Дар идомаи суҳбат президент пурсид, ки оё барои тамрини бадан шароит ҳаст ва оё ягон мушкилие вуҷуд дорад.
Ба ин суол Хушқадам гуфт, ҳамаи шароит муҳайёст ва ягон мушкилӣ дар ин ҷода нест.
Сипас раисиҷумҳури Тоҷикистон аз Хушқадам суоли аҷиб кард.

"Як чизро ба ман бигӯ, ҳар вақте, ки ба шарофати шумо парчами давлатро боло мебардоранд, чӣ эҳсосот шуморо зер мекунад, ашк рехт аз чашмонатон ё не", - суол дод раисиҷумҳур.

Хусравов гуфт, ҳангоми ба макони ҷоизасупорӣ мебароянд ва таҳти навои суруди миллӣ парчами давлат парафшон мешавад, инсонро як эҳсосте фаро мегирад, ки онро худи варзишгар дарк мекунаду халос.
Хушкадам Хусравов. Архивное фото - Sputnik Тоҷикистон, 1920, 10.11.2019
Хушқадам Хусравов аз қаҳрамонии ҷаҳон медали дигар барои Тоҷикистон овард
Эмомалӣ Раҳмон дар идомаи суҳбат гуфт, на ҳамаи варзишкорон метавонанд ба чунин дастовардҳо ноил гарданд, аз ин рӯ Хушқадам бояд шогирд омода кунад ва мактаби варзишии худро кушояд.
Хушқадам Хусравов соли 2018 дар чемпионати ҷаҳон, ки дар пойтахти Руминия – шаҳри Бухарест баргузор гардида буд, ҳам медали тилло ва ҳам унвони чемпиони ҷаҳон ба даст оварда буд.
Ин варзишгари шинохтаи тоҷик дар таърихи Тоҷикистон сеюмин чемпиони ҷаҳон оид ба самбо гардид.
Ҳамин тавр, Хушқадам Хусравов қаҳрамони дукарати ҷаҳон ва чемпиони панҷкараи Осиё оид ба самбо мебошад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала