Сокини Душанбе, ки муҳоҷирро фиреб дод ба дом афтод: беш аз 600 ҳазор рублро надодааст

© Sputnik / Гузаштан ба хазинаи аксРуки в наручниках
Руки в наручниках - Sputnik Тоҷикистон, 1920, 25.05.2021
Обуна шудан
Yandex newsTelegram
Боздоштшуда маблағи нафареро, ки мебоист ба бародараш медод пурра надода ҳамзамон аз фарди дагар барои хариди чипта маблағ гирифтаю ба фоидаи худ сарф кардааст
ДУШАНБЕ, 25 май - Sputnik. Пулис як марди 48-солаи сокини ноҳияи Шоҳмансурро бо ҷурми қаллобии калон дастгир кардааст
Бино ба иттилои дафтари матбуотии Вазорати умури дохилии кишвар, боздоштшуда , моҳи майи соли ҷорӣ ҳангоми дар Русия қарор доштанаш, бо роҳи фиреб ба боварии марди 36-солаи сокини кӯчаи Деҳотии пойтахт даромада, аз ӯ 1 миллиону 500 ҳазоррубли русӣ гирифта, ваъда додааст, ки дар шаҳри Душанбе ба бародари ӯ, марди 33-сола медиҳад.

"Ӯ аз ин маблағ ҳамагӣ 400 000 рубли русӣ ва 3 ҳазору 500 доллари амрикоиро дода, боқимонда 611 ҳазору 750 рубли русиро ба манфиати худаш сарф намудааст", - афзудааст манбаъ.

Нисбати номбурда аз ҷониби Прокуратураи шаҳри Душанбе парвандаи ҷиноятӣ бо моддаи 247 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад, афзудааст манбаъ.
Бар асоси ин модда дар сурати тасдиқ шудани айби боздоштшуда ба ӯ ҷарима ва ё аз се то панҷ соли зиндон таҳдид мекунад.
Милиционеры в Душанбе, архивное фото - Sputnik Тоҷикистон, 1920, 22.05.2021
"Қаллобии махсусан калон": боздошти раис барои фиреби "Вавилон-Мобайл”-у “Интерком"
Се рӯз қабл ин ниҳод аз боздошти, раиси бинои №41 кӯчаи А.Сино, марди 33-солаи сокини ноҳияи Сино хабар дода буд, ки ба қаллобӣ муттаҳам мешавад.
Ба гузориши ВКД, боздоштшуда муддати 14 моҳ аз 70 нафар истиқоматкунандагони бинои мазкур ва ширкатҳои "Вавилон-Мобайл” ва “Интерком" 49 ҳазору 500 сомонӣ гирифта, ваъда додааст, ки бинои мазкурро таъмир мекунад, аммо маблағҳои ба даст овардаашро ба манфиати шахсиаш сарф намудааст.
Лентаи хабарҳо
0