https://sputnik.tj/20210526/bidun-ogohi-murojiati-tojikiston-qirghiziston-1039771350.html
“Бидуни огоҳӣ”: муроҷиатномаи мақомоти тоҷик ба мардум баъди қарори Қирғизистон
“Бидуни огоҳӣ”: муроҷиатномаи мақомоти тоҷик ба мардум баъди қарори Қирғизистон
Sputnik Тоҷикистон
Вазорати умури хориҷии Тоҷикистон бо як муроҷиатнома ба мардуму ширкатҳои тоҷикистон аз маҳдудиятҳои ҷоринамудаи ҷониби Қирғизистон гуфт
2021-05-26T20:08+0500
2021-05-26T20:08+0500
2021-05-26T21:10+0500
дар тоҷикистон
қирғизистон
нақлиёт
осиёи марказӣ
марз
https://cdnn1.img.sputnik.tj/img/102069/74/1020697462_0:3:2911:1640_1920x0_80_0_0_2ee5828ffb6a477eb68f4a9d480b1064.jpg
ДУШАНБЕ, 26 май – Sputnik. Вазорати умури хориҷии Тоҷикистон бо нашри як муроҷиатнома аз маҳдудиятҳои ҷоринамудаи ҷониби Қирғизистон гуфта, таъкид намудааст, ки ин қарор бидуни ҳеч огоҳӣ ҷорӣ қабул шудааст. “Дар робита ба қарори Девони Вазирони ҷумҳурии Қирғизистон №12-р аз 21 майи соли 2021, ки бидуни огоҳии пешакӣ қабул шуд, Вазорати корҳои хориҷии Тоҷикистон аз шаҳрвандон хоҳишманд аст, ки аз ҳама гуна сафар ба Қирғизистон ва ё убури транзитӣ ба кишварҳои дигар тариқи қаламрави он худдорӣ намоянд”, - омадааст дар муроҷиатнома. Вазорати хориҷии Тоҷикистон аз шахсони ҳуқуқӣ ва соҳибкорони инфиродии ҷумҳурӣ, ки ба ҳамлу нақли мусофирон ва бор тавассути ҳамаи навъҳои нақлиёт машғуланд, хоҳиш намудааст, ки аз қаламрави Қирғизистон истифода накунанд ва масирҳои дигарро тавассути кишварҳои сеюм ба кор баранд.Ин дар ҳолест, ки мақомоти Қирғизистон ахиран мусофирони тоҷикистонии ҳавопаймои “Сомон Эйр” – ро дар Бишкек қабул накарда, онҳоро бозпас фиристоданд. Раиси Девони вазирони Қирғизистон, Улуғбек Марупов дар сафар ба ноҳияи Чонолойи вилояти Ош дар марз бо ноҳияи Лахши Тоҷикистон изҳор дошта буд, ки то ҳаллу фасли мушкили аломатгузории марзи ду кишвар, тамоми гузаргоҳҳои марзӣ баста боқӣ хоҳад монд. Ҳукумати Қирғизистон низ дар баёнияе таъкид кард, ки рафту омад ба Тоҷикистон танҳо барои кормандони сафоратҳою консулгариҳои ду кишвар, хонаводаи онҳо, кормандони созмонҳои хориҷӣ ва мақомоти расмии Душанбею Бишкек бо ҳамоҳангии қаблӣ иҷозат асту халос. Марзбандиҳо дар ҳолеянд, ки 29 апрел дар марзи Тоҷикистону Қирғизистон муноқиша сар зада, ба тирпарронӣ печид ва аз ҳарду тараф 55 кушта барҷой гузошт. Тоҷикистону Қирғизистон ҳамдигарро дар оғози даргирӣ муттаҳам карданд. Феълан вазъ дар марз муътадил арзёбӣ мешавад.
https://sputnik.tj/20210524/marz-hifz-tojikiston-qirgiziston-1039692653.html
https://sputnik.tj/20210526/gusfand-hisori--ihtilofottojikon-qirghizho-1039749008.html
қирғизистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
қирғиз, тоҷик, тоҷикистониён, муроҷиат
қирғиз, тоҷик, тоҷикистониён, муроҷиат
“Бидуни огоҳӣ”: муроҷиатномаи мақомоти тоҷик ба мардум баъди қарори Қирғизистон
20:08 26.05.2021 (Навсозишуда: 21:10 26.05.2021) Вазорати умури хориҷии Тоҷикистон бо як муроҷиатнома ба мардуму ширкатҳои тоҷикистон аз маҳдудиятҳои ҷоринамудаи ҷониби Қирғизистон гуфт
ДУШАНБЕ, 26 май – Sputnik. Вазорати умури хориҷии Тоҷикистон бо нашри як муроҷиатнома аз маҳдудиятҳои ҷоринамудаи ҷониби Қирғизистон гуфта, таъкид намудааст, ки ин қарор бидуни ҳеч огоҳӣ ҷорӣ қабул шудааст.
“Дар робита ба қарори Девони Вазирони ҷумҳурии Қирғизистон №12-р аз 21 майи соли 2021, ки бидуни огоҳии пешакӣ қабул шуд, Вазорати корҳои хориҷии Тоҷикистон аз шаҳрвандон хоҳишманд аст, ки аз ҳама гуна сафар ба Қирғизистон ва ё убури транзитӣ ба кишварҳои дигар тариқи қаламрави он худдорӣ намоянд”, - омадааст дар муроҷиатнома.
Вазорати хориҷии Тоҷикистон аз шахсони ҳуқуқӣ ва соҳибкорони инфиродии ҷумҳурӣ, ки ба ҳамлу нақли мусофирон ва бор тавассути ҳамаи навъҳои нақлиёт машғуланд, хоҳиш намудааст, ки аз қаламрави Қирғизистон истифода накунанд ва масирҳои дигарро тавассути кишварҳои сеюм ба кор баранд.
"Дар сурати поймол шудани ҳуқуқ ё зоҳир гардидани муносибати ғаразнок нисбат ба шаҳрвандони мо дар қаламрави Ҷумҳурии Қирғизистон, метавонанд ба сафорати Тоҷикистон дар Бишкек аз рӯи хатти алоқаи доимии рақамҳои +996500442211 ва +996312511637 муроҷиат кунанд", - таъкид кардааст ВУХ Тоҷикистон.
Ин дар ҳолест, ки мақомоти Қирғизистон ахиран мусофирони тоҷикистонии ҳавопаймои “Сомон Эйр” – ро дар Бишкек қабул накарда, онҳоро бозпас фиристоданд.
Раиси Девони вазирони Қирғизистон, Улуғбек Марупов дар сафар ба ноҳияи Чонолойи вилояти Ош дар марз бо ноҳияи Лахши Тоҷикистон изҳор дошта буд, ки то ҳаллу фасли мушкили аломатгузории марзи ду кишвар, тамоми гузаргоҳҳои марзӣ баста боқӣ хоҳад монд.
Ҳукумати Қирғизистон низ дар баёнияе таъкид кард, ки рафту омад ба Тоҷикистон танҳо барои кормандони сафоратҳою консулгариҳои ду кишвар, хонаводаи онҳо, кормандони созмонҳои хориҷӣ ва мақомоти расмии Душанбею Бишкек бо ҳамоҳангии қаблӣ иҷозат асту халос.
Марзбандиҳо дар ҳолеянд, ки 29 апрел дар марзи Тоҷикистону Қирғизистон муноқиша сар зада, ба тирпарронӣ печид ва аз ҳарду тараф 55 кушта барҷой гузошт. Тоҷикистону Қирғизистон ҳамдигарро дар оғози даргирӣ муттаҳам карданд. Феълан вазъ дар марз муътадил арзёбӣ мешавад.
