Дар фурудгоҳи Саратов пайгирии шаҳрвандони Тоҷикистон оғоз мешавад: сабаб

© Sputnik / Максим БлиновМужчина возле электронного табло вылетов в аэропорту, архивное фото
Мужчина возле электронного табло вылетов в аэропорту, архивное фото - Sputnik Тоҷикистон, 1920, 26.05.2021
Аз 2 июн Роспотребнадзор санҷиши тоҷиконеро, ки ба Саратов меоянд, барои коронавирус оғоз мекунад
ДУШАНБЕ, 26 май - Sputnik. Дар фурудгоҳи Саратов "Гагарин" аз 2 июн санҷиши шаҳрвандони Тоҷикистонро барои нишонаҳои сирояти коронавирус оғоз мекунад.
Дар ин бора Олга Кожанова, сардори раёсати минтақавии Роспотребнадзор, дар ҷараёни ҷаласаи шӯрои ҳамоҳангсоз хабар дод.
Мутахассис тавзеҳ дод, ки таваҷҷӯҳи зиёд ба тоҷикон бо барқарор шудани парвозҳо байни Саратов ва шаҳрҳои ҷумҳурӣ марбут аст.
Ҳамин тариқ, аз 2 июн ҳавопаймоҳои "Сибир" ба Тоҷикистон парвозҳоро оғоз мекунанд. Аз Саратов ба Душанбе, Хуҷанд, Бохтар ва Кӯлоб парвоз кардан имконпазир аст.
"Хавфҳои иловагии воридоти сироят ба минтақа вуҷуд доранд. Мо набояд ба чунин ҳолат роҳ диҳем. Ҳама тавсияҳои мо бояд риоя шаванд", - гуфт Кожанова.
Вай афзуд, ки кормандони Роспотребнадзор шаҳрвандони Тоҷикистонро тафтиш мекунанд.
Ёдовар мешавем, президенти Тоҷикистон, Эмомалӣ Раҳмон рӯзи 26 январи соли ҷорӣ пирӯзӣ бар коронавирусро эълон кард. Аз зимистон то ҳол дар кишвар ягон ҳодисаи сироятёбӣ ба қайд гирифта нашудааст.
Пассажирский авиалайнер Airbus A320 авиакомпании S7 Airlines  - Sputnik Тоҷикистон, 1920, 21.05.2021
Росавиатсия парвозҳои мустақимро аз Тоҷикистон ба Сургут иҷозат дод
Хотиррасон мекунем, ки ҳаракати мунтазами ҳавоӣ байни Русия ва Тоҷикистон аз 1 апрели соли 2021 барқарор карда шуд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала