Президент ба раисони ҷамоатҳои Ворух ва Чоркӯҳ мошин дод

© котиботи ҳукумати вилояти СуғдТақдими мошинҳо ба раисони ҷамоатҳои наздимарзии Исфара
Тақдими мошинҳо ба раисони ҷамоатҳои наздимарзии Исфара - Sputnik Тоҷикистон, 1920, 30.05.2021
Обуна шудан
Калиди мошинҳоро аз номи Президент, субҳи имрӯз ба соҳибонаш раисони ҷамоатҳои наздимарзии Исфара расонида шудааст
ДУШАНБЕ, 30 май – Sputnik. Музаффар Юнусов, роҳбари Хадамоти матбуоти ҳукумати Суғд ба Sputnik Тоҷикистон гуфт, тӯҳфаҳоро Раҷаббой Аҳмадзода, раиси вилояти Суғд субҳи имрӯз аснои як сафари корӣ ба ҷамоати Чоркӯҳи Исфара тақдим намуд.

Калиди мошинҳо бевосита ба дасти Шукрилло Насриддинов раиси ҷамоати Чоркӯҳ ва инчунин ба Меҳриниссо Раҳматова, раиси ҷамоати Ворух супорида шуд”, - гуфт Юнусов.

Бино ба иттилоъи манбаъ, тӯҳфаҳо мошинҳои тамғаи “Niva” буда, ҳамчун мошинҳои хизматӣ ба раисони ҷамоатҳои наздимарзӣ тақдим гардидааст.
Бино ба иттилои Хадамоти матбуот, дар баробари эътои мошинҳои хизматӣ ба раисон ҷамоатҳо, ҳамчунин се мошини бокашони тамғаи “Портер”, аз номи ҳукумати вилояти Суғд ба Идораи хоҷагии манзилию коммунналии шаҳри Исфара тақдим шудааст.
© котиботи ҳукумати вилояти СуғдТақдими портерҳо аз номи ҳукумати вилояти Суғд ба идораи комунналии шаҳри Исфара
Тақдими портерҳо аз номи ҳукумати вилояти Суғд ба идораи комунналии шаҳри Исфара - Sputnik Тоҷикистон, 1920, 30.05.2021
Тақдими портерҳо аз номи ҳукумати вилояти Суғд ба идораи комунналии шаҳри Исфара
Тақдими мошинҳои хидматӣ ба раисони ҷамоатҳо дар Тоҷикистон ҳодисаи камназир маҳсуб мешавад.
Чоркӯҳ ва Ворух аз ҷамоатҳои наздимарзӣ ба Қирғизистон ба шумор мераванд, ки ба далели аломатгузорӣ нашудани хатти сарҳад то ин замон борҳо шоҳиди муноқишаи марзӣ гардидаанд.

Танишу созиш дар марзи Тоҷикистону Қирғизистон

Вазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид.Теъдоди қурбониён аз ҳар ду тараф беш аз 55 нафарро ташкил медиҳад.
Қирғизистон марзҳояшро боз бо Тоҷикистон баст
Мақомоти Тоҷикистон гуфтанд, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидаанд. Қирғизистон аз ҳалокати 36 шаҳрвандаш дар ин даргирӣ хабар дод.Тибқи иттилои Кумитаи давлатии амнияти миллии Тоҷикистон, муттаҳамони қазия шаҳрвандони Қирғизистон будаанд, ки ба сӯи тоҷиконе, ки мехостанд дар он ҷой камераҳои назоратӣ насб кунанд, санг андохтанд ва ҳатто дар ин муноқиша низомиён дар либоси мулкӣ истифода шуданд.
Юртаи қирғизҳо дар шафати деҳаи Қалъача - қаламравӣ баҳсӣ  - Sputnik Тоҷикистон, 1920, 29.05.2021
“Асрори баҳсҳои марзӣ. Овчиқалъача”: Аскар Акаев чӣ иштибоҳ кард?
Бишкек дар навбати худ гуфт, ки шаҳрвандони Тоҷикистон муноқишаро ба роҳ монданд, ба сӯи ҳамсояҳояшон аз силоҳ оташ кушоданд.Феълан вазъ дар марз муътадил арзёбӣ гардида, 2 май ҳайатҳои Тоҷикистон ва Қирғизистон протоколи муштарак дар бораи делимитатсия ва демаркатсияи сарҳадро ба имзо расонданд.
“Асрори баҳсҳои марзӣ. Хистеварз”: қабри падари сарвазири Тоҷикистон дар минтақаи баҳсӣ?
Феълан вазъ дар марз муътадил арзёбӣ шуда, ҷониби Қирғизистон ахиран тамоми ҳаракатро тавассути қаламраваш барои шаҳрвандони Тоҷикистон қатъ кардааст. Шаби 25 май ҳатто ҳавопаймои "Сомон Эр"- ро аз Бишкек бозпас ба Душанбе гардонирд ва фурӯши чиптаҳоро ба шаҳрвандони Тоҷикистон пурра манъ кард.
Тоҷикистону Қирғизистон ҳудуди 970 километр марзи муштарак доранд, ки аз ин то ҳол ҳудуди 520 километраш аломатгузорӣ шуда, боқимонда ҳанӯз ҳам номуайян мебошад.
Лентаи хабарҳо
0