Генерал Раҳимзода ба Эрон рафт: бо киҳо ва чиро баррасӣ мекунад

© МВД РТВстреча министра МВД Таджикистана и министра МВД Ирана
Встреча министра МВД Таджикистана и министра МВД Ирана - Sputnik Тоҷикистон, 1920, 31.05.2021
Генерал Рамазон Раҳимзода дар Эрон бо мақомдорони баландпояи ин кишвар масъалаи амнияту мубориза бо терроризмро баррасӣ мекунад
ДУШАНБЕ, 31 май — Sputnik. Ҳайати расмии Тоҷикистон субҳи имрӯз бо роҳбарии вазири корҳои дохилӣ, генерал - полковник Рамазон Раҳимзода ба Ҷумҳурии Исломии Эрон сафар намуд.
Тибқи иттилои Вазорати умури дохилии Тоҷикистон, дар ин сафари корӣ вохӯрӣ бо роҳбарони воломақоми Эрон дар назар аст.
“Масъалаҳои ҳамкориҳои дуҷониба дар самти амният, мубориза бар зидди терроризму экстремизм ва дигар масъалаҳои корӣ баррасӣ хоҳанд шуд”, - омадаст дар иттилоия.
ВУД таъкид намудааст, ки дар ҷараёни сафари корӣ қарор аст, як қатор санадҳои дахлдор ба имзо расонида шаванд. Аммо мушахассан санаде ном бурда нашудааст.
Ин сафари Раҳимзода дар ҳолест, ки моҳи феврали соли равон вазири умури дохилии Эрон дар Душанбе қарор дошту бо Эмомалӣ Раҳмон, раисиҷумҳури Тоҷикистон низ мулоқот кард.
Низомиддин Зоҳидӣ, сафири Тоҷикистон дар Эрон - Sputnik Тоҷикистон, 1920, 31.05.2021
Президенти нави Эрон ба Душанбе даъват мешавад: Зоҳидӣ аз узвияти Теҳрон дар СҲШ гуфт
Ба иттилои мақомоти тоҷик, аз масъалаҳои меҳварии мулоқоти Раҳмонӣ дар Душанбе ҳамкорӣ дар мубориза бо терроризм, экстремизм ва мубодилаи иттилоот буд.
Котиботи раисиҷумҳури Тоҷикистон низ зимни гузориш аз мулоқоти Эмомалӣ Раҳмон ва Абдулризо Раҳмонии Фазлӣ гуфт, “то ба имрӯз миёни кишварҳо зиёда аз 160 санади ҳамкории дуҷониба, аз ҷумла Ёддошти тафоҳум оид ба усул ва чаҳорчӯби ҳамкории дуҷониба дар соҳаи амният ба имзо расидааст, ки заминаи ҳуқуқии муносибатҳои ҷонибҳоро ташкил медиҳанд.
Мулоқоти Эмомалӣ Раҳмон, раисиҷумҳури Тоҷикистон бо Абдулризо Раҳмонии Фазлӣ, вазири корҳои дохилии Эрон - Sputnik Тоҷикистон, 1920, 23.02.2021
Раҳмон вазири Эронро қабул кард: аз амният гуфту санадро хотиррасон намуд
"Вобаста ба ин сарвари давлати Тоҷикистон таваҷҷуҳи ҷониби Эронро ба аҳамияти иҷрои фаъоли муқаррароти санади мазкур ҷалб кард", - иттилоъ дод котиботи раисиҷумҳур.
Қаблан Душанбе бо эътирофи нисбатан сард шудани муносибот бо Теҳрон онро ба дастгирии гуруҳҳое рабт дод, ки дар Тоҷикистон мамнӯъ шудаанд, аммо ба иддаои мақомоти тоҷик аз ҷониби бархе доираҳои эронӣ дастгирӣ меёбанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала