Раҳимзода бо мақомдорони Эрон амният, мубориза бо терроризму ифротгароиро баррасӣ мекунад

© Sputnik / Амир ИсаевРамазон Рахимзода, министр внутренних дел Таджикистана
Рамазон Рахимзода, министр внутренних дел Таджикистана  - Sputnik Тоҷикистон, 1920, 01.06.2021
Вазири корҳои дохилии Тоҷикистон бо ҳадафи гуфтугӯ ва ройзанӣ дар хусуси масоили дуҷонибаи Эрон ва Тоҷикистон ва мубориза бо терроризму ифротгароӣ вориди Теҳрон шуд
ДУШАНБЕ, 1 июн — Sputnik. Ба гузориши ИРНА, Рамазон Раҳимзода, вазири корҳои дохилии Тоҷикистон имрӯз бо истиқболи Бобаки Динпараст, муовини ҳамоҳангии умури иқтисодӣ ва тавсеаи минтақаии вазири кишвари Эрон, вориди Теҳрон шуд.
Дар ин сафари кории серӯза, Раҳимзода бо Абдурризо Раҳмонии Фазлӣ, вазири кишвар (умури дохили) -и Эрон дар хусуси ҳамкориҳои дуҷониба дар заминаи амният, мубориза бо терроризм ва ифротгароӣ, имзои суратҷаласаҳои ҳамкорӣ дар хусуси мавзӯоти амниятӣ ва сиёсии кишвар, вориди гуфтугӯ хоҳанд шуд.
Встреча министра МВД Таджикистана и министра МВД Ирана - Sputnik Тоҷикистон, 1920, 31.05.2021
Генерал Раҳимзода ба Эрон рафт: бо киҳо ва чиро баррасӣ мекунад
Дидор бо сардори сартип Ҳусайни Аштарӣ, фармондеҳи нерӯи интизомии Эрон, аз дигар меҳварҳои муҳими сафари вазири дохилии Тоҷикистон ба Теҳрон аст ва қарор аст дар маросими субҳгоҳӣ воҳиди вижаи нерӯи интизомии Эрон ҳузур ёбад.
Боздид аз марокизи таърихӣ, фарҳангӣ ва гардишгарии шаҳри Шероз, аз дигар барномаҳои муҳими вазири дохилии Тоҷикистон дар сафари серӯзааш ба Эрон аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала