https://sputnik.tj/20210607/firor-shuhrat-arusi-tahmina-dushanbe-maskav-1040025318.html
Фирор аз шӯҳрату радди ҳамсари 2 шудан: чаро Таҳмина Ниёзова Душанберо ба Маскав иваз кард
Фирор аз шӯҳрату радди ҳамсари 2 шудан: чаро Таҳмина Ниёзова Душанберо ба Маскав иваз кард
Sputnik Тоҷикистон
Ҷавондухтари тоҷик аз рафтан ба РУсия ва таҳсилу фатҳи Маскав натарсид. Таҳмина Ниёзоваро бо кадом шартҳо ба издивоҷ даъват карданд ва кӣ ба ӯ барои ситораи ҳақиқӣ шудан кӯмак мекунад - дар мусоҳибаи ихтисосӣ бихонед
2021-06-07T15:10+0500
2021-06-07T15:10+0500
2021-06-07T15:10+0500
дар тоҷикистон
омӯзиш
донишгоҳ
таҳмина ниёзова
издивоҷ
санъаткор
дар русия
https://cdnn1.img.sputnik.tj/img/07e5/05/18/1039704390_0:0:3072:1728_1920x0_80_0_0_2acedc7fbb17769e1162c5971fd004ac.jpg
ДУШАНБЕ, 7 июн - Sputnik, Мария Науменко. Овозхони попи тоҷик Таҳмина Ниёзова ба шарофати пирӯзӣ дар озмуни "Панҷ ситора. Интервидение" соли 2008 дар фазои пасошӯравӣ шӯҳрат пайдо кард. Таҳмина дар ҳама консертҳои ҳукуматӣ сарояндаи асосӣ гашт ва дар бисёр саҳнаҳои байналмилалӣ ҷумҳуриро намояндагӣ кард. Дар як мусоҳибаи ихтисосӣ бо Sputnik, ҳунарманд нақл кард, ки чӣ гуна ба Русия кӯчид ва чаро қариб саҳнаро ба кори идора иваз мекард.Як қадам то шикасти орзуТаҳмина соли 2017 ба Маскав омад. Ӯ ба пойтахти Русия барои амалисозии орзуи деринааш, гирифтани маълумоти олии мусиқӣ вориди Маскав шуд. Аммо омӯзиш дар донишгоҳҳои Маскав барои овозхон хеле гарон шуд. Духтарак аллакай ноумед шуд ва агар мулоқоти тақдирсозе бо овозхони рус Евгений Кунгуров намебуд, омода буд, ки дар коргоҳе ба кор дарояд."Ману Евгений қаблан дар яке аз консертҳо вохӯрдем. Вақте фаҳмид, ки ман дар Маскав ҳастам, ӯ пешниҳоди дидор кард. Он замон ман ба ӯ иқрор шудам, ки умеди дохилшудан намондааст ва ман аллакай кор пайдо мекардам. Евгений дар навбати худ гуфт, кӯшиш хоҳад кард, ки ба ман кумак кунад", - ба ёд меорад Ниёзова. Кунгуров Таҳминаро бо назди Марина Полтева, мудири кафедраи санъати поп ва ҷази Институти санъати муосир, ба санҷиш фиристод. Муаллими вокал дарҳол истеъдоди духтарро дида, ӯро даъват кард, ки кор дар идораро ба таъхир андозад ва кӯшиш кунад, ки дар институт имтиҳонҳои дохилшавӣ супорад. Ҳоло Таҳмина аллакай соли чоруми таҳсилро дар донишгоҳ ба итмом мерасонад.Таҳмина ба хотир меорад, ки дар соли аввали кӯчидан аз Тоҷикистон касе намедонист, ки ӯ дар Русия аст. Вай ба консертҳо даъватнома намегирифт ва аз ин рӯ мекӯшид, ки барои даромад ҷойҳои кории мухталиф пайдо кунанд. Ҳоло Таҳмина орзу дорад, ки бо дипломи мусиқӣ дар даст шӯъбаи вокали поп-ҷазро дар Душанбе боз кунад.Хиёнаткор номидандНиёзова ёдовар мешавад, ки кӯчидан ба Русия боиси интиқоди ҷомеаи Тоҷикистон шуд. Дар шабакаҳои иҷтимоӣ навишта буданд, ки ӯ ба ватан хиёнат кард. "Ин иқдоми ман барои рушду ривоҷ алоқаманд буд. Одамони олами санъат ва сиёсат, баръакс, маро дастгирӣ карданд. Дар куҷое ки набошам, идомадиҳандаи фарҳанги тоҷикӣ хоҳам буд. Ман ҳамон Таҳминае хоҳам монд, ки девонавор кишвари худро дӯст медорад", - мегӯяд ҳунарманд.Дар Тоҷикистон, ба гуфтаи Ниёзова, ӯ намедонист, ки ҷаз ва блюз чист. Маскав барои ӯ мактаби азиме шуд, ки дар он ҳам касбан ва ҳам маънавӣ рушд мекунад.Оё вақти издивоҷ расидааст?"Кай издивоҷ мекунӣ?" саволи маъмултаринест, ки Таҳмина ҳангоми ба Тоҷикистон омаданаш дучор меояд. "Вақти издивоҷат расидааст" - ин суханон ҳамеша туро иҳота хоҳанд кард, агар дар Тоҷикистон зиндагӣ кунӣ. Хешовандон, шиносон, дӯстони - ҳама атрофиён ин саволро медиҳанд",- қайд мекунад Ниёзова. Дар Тоҷикистон ба Таҳмина пешниҳодҳои издивоҷ шуд, аммо бо шартҳои муайян: аз санъат даст кашидан, зани дуюм шудан. Ҷавондухтар чунин пешниҳодро рад кард."Ман маҷбур будам, ки зиндагии худро комилан иваз кунам, дар хона бимонам, суруд хонам. Ман исёнгар ҳастам ва намехоҳам ба менталитети тоҷикӣ мутобиқ шавам: ман бояд издивоҷ кунам, зеро ҳамсояҳо чӣ фикр мекунанд ... Ман мехостам, ки маро на аз рӯйи он ки суруд мехонам, балки ҳамчун духтар дӯст доранд. Ман мефаҳмам, ки сурудхониро аз байн бурдан мумкин нест, аммо новобаста аз он ки дар Тоҷикистон бо кӣ мулоқот мекардам, имкони ба таври ҳақиқӣ нишон додани худро надоштам. Дар як кишвари хориҷӣ бо тамоми мушкилот, бурдборӣ ва нокомиҳо ту ҳамон Тахмина ҳастӣ", - мегӯяд зани тоҷик.Дар бораи дохилшавӣ ба донишгоҳСоли 2008, пас аз пирӯзӣ дар озмуни "Панҷ ситора. Интервидение" ба Тахмина пешниҳод шуд, ки ба Академияи мусиқии Русия ба номи Гнесин ворид шавад. Аммо ӯ ба корҳои консертӣ дар Тоҷикистон банд шуд ва ин фурсатро аз даст дод. "Пас аз он волидон гуфтанд:" Ту духтар ҳастӣ, наметавонӣ ба он ҷо, ба шаҳри калон равӣ", - ба ёд меорад Ниёзова. Дар бораи ба Донишкадаи санъати муосир дохил шудани Таҳминаро оилааш танҳо пас аз як соли таҳсил фаҳмид."Ба назди волидонам бо дафтарчаи санҷишӣ омадам, ки дар он ҷо баҳои хуб дошт. Ман танҳо хомӯшона дар назди модар ва падари худ дафтарчаро кушодам", - мегӯяд санъаткор. То ба Донишкадаи санъати муосир дохил шудан, Таҳмина аллакай ду маълумоти олӣ дошт: дипломи сурхи Донишгоҳи словянии РусиявуТоҷикистон бо ихтисоси журналистика ва Донишкадаи давлатии молия ва иқтисодиёти Тоҷикистон дар самти менеҷмент. Ғайр аз ин ӯ номзади илмҳои филологӣ мебошад.Нақшаҳои эҷодӣТахмина Ниёзова ҳеҷ гоҳ дар Тоҷикистон консерти алоҳида надодааст. Ӯ мехоҳад аввалин чунин консерти худро хайриявӣ кунад. "Ҳама маблағҳое, ки аз фурӯши чиптаҳо, CD-ҳо ҷамъоварӣ мешаванд, ба Бунёди кӯмак ба кӯдакони гирифтори саратон ворид мешаванд. Аз сабаби бемории саратон хоҳарзодаи ман чанд сол пеш фавтид. Вай кӯдаки хеле боистеъдод буд. Нигоҳубинаш ба ман кӯмак кард, ки фаъолияти эҷодии худро аз нав дида бароям. Ман намехоҳам танҳо сароянда бошам, ин барои ман нест. Агар ба ман истеъдоди суруд хондан дода шуда бошад, бигзор барои некӣ бошад ", - мегӯяд ҳунарманд.Овозхон ният дорад, ки сафари ҳунарии худро дар Хуҷанд, ки бобояш таваллуд шудааст, оғоз карда, сипас бо ҳамон барнома дар Душанбе баромад кунад.
https://sputnik.tj/20200627/Khandayu-giryai-Madina-suhbat-az-judoii-volidon-tahdid-bo-kord-va-oshiqi-qafqozi-video-1031482773.html
https://sputnik.tj/20210522/azob-modar-giryai-manizha-sangin-suhbati-muazzamahon-umarova-1039658292.html
https://sputnik.tj/20210514/fojiai-honavodai-dina-isaeva-1039444103.html
https://sputnik.tj/20200110/tark-sahna-munosibat-padarandar-noguftaoi-Shabnam-1030519421.html
https://sputnik.tj/20210531/peshvoz-shabnam-uzbekiston-ulduz-1039868745.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
шӯҳрат арӯсӣ таҳмина ниёзова душанберо маскав ҳунарманд
шӯҳрат арӯсӣ таҳмина ниёзова душанберо маскав ҳунарманд
Фирор аз шӯҳрату радди ҳамсари 2 шудан: чаро Таҳмина Ниёзова Душанберо ба Маскав иваз кард
Ҷавондухтари тоҷик аз рафтан ба Русия ва таҳсилу фатҳи Маскав натарсид. Таҳмина Ниёзоваро бо кадом шартҳо ба издивоҷ даъват карданд ва кӣ ба ӯ барои ситораи ҳақиқӣ шудан кӯмак мекунад - дар мусоҳибаи ихтисосӣ бихонед
ДУШАНБЕ, 7 июн - Sputnik, Мария Науменко. Овозхони попи тоҷик Таҳмина Ниёзова ба шарофати пирӯзӣ дар озмуни "Панҷ ситора. Интервидение" соли 2008 дар фазои пасошӯравӣ шӯҳрат пайдо кард.
Таҳмина дар ҳама консертҳои ҳукуматӣ сарояндаи асосӣ гашт ва дар бисёр саҳнаҳои байналмилалӣ ҷумҳуриро намояндагӣ кард.
Дар як мусоҳибаи ихтисосӣ бо Sputnik, ҳунарманд нақл кард, ки чӣ гуна ба Русия кӯчид ва чаро қариб саҳнаро ба кори идора иваз мекард.
Таҳмина соли 2017 ба Маскав омад. Ӯ ба пойтахти Русия барои амалисозии орзуи деринааш, гирифтани маълумоти олии мусиқӣ вориди Маскав шуд. Аммо омӯзиш дар донишгоҳҳои Маскав барои овозхон хеле гарон шуд. Духтарак аллакай ноумед шуд ва агар мулоқоти тақдирсозе бо овозхони рус Евгений Кунгуров намебуд, омода буд, ки дар коргоҳе ба кор дарояд.
"Ману Евгений қаблан дар яке аз консертҳо вохӯрдем. Вақте фаҳмид, ки ман дар Маскав ҳастам, ӯ пешниҳоди дидор кард. Он замон ман ба ӯ иқрор шудам, ки умеди дохилшудан намондааст ва ман аллакай кор пайдо мекардам. Евгений дар навбати худ гуфт, кӯшиш хоҳад кард, ки ба ман кумак кунад", - ба ёд меорад Ниёзова.
Кунгуров Таҳминаро бо назди Марина Полтева, мудири кафедраи санъати поп ва ҷази Институти санъати муосир, ба санҷиш фиристод. Муаллими вокал дарҳол истеъдоди духтарро дида, ӯро даъват кард, ки кор дар идораро ба таъхир андозад ва кӯшиш кунад, ки дар институт имтиҳонҳои дохилшавӣ супорад. Ҳоло Таҳмина аллакай соли чоруми таҳсилро дар донишгоҳ ба итмом мерасонад.
"Марина Владимировна фариштаи нигаҳбони ман дар Маскав аст. Вай овози маро ба тариқи дигар кушод, ин ҳамон касест, ки ба ман бовар мекунад", - изҳор медорад, овозхони ҷавон.
Таҳмина ба хотир меорад, ки дар соли аввали кӯчидан аз Тоҷикистон касе намедонист, ки ӯ дар Русия аст. Вай ба консертҳо даъватнома намегирифт ва аз ин рӯ мекӯшид, ки барои даромад ҷойҳои кории мухталиф пайдо кунанд.
Ҳоло Таҳмина орзу дорад, ки бо дипломи мусиқӣ дар даст шӯъбаи вокали поп-ҷазро дар Душанбе боз кунад.
Ниёзова ёдовар мешавад, ки кӯчидан ба Русия боиси интиқоди ҷомеаи Тоҷикистон шуд. Дар шабакаҳои иҷтимоӣ навишта буданд, ки ӯ ба ватан хиёнат кард.
"Ин иқдоми ман барои рушду ривоҷ алоқаманд буд. Одамони олами санъат ва сиёсат, баръакс, маро дастгирӣ карданд. Дар куҷое ки набошам, идомадиҳандаи фарҳанги тоҷикӣ хоҳам буд. Ман ҳамон Таҳминае хоҳам монд, ки девонавор кишвари худро дӯст медорад", - мегӯяд ҳунарманд.
Дар Тоҷикистон, ба гуфтаи Ниёзова, ӯ намедонист, ки ҷаз ва блюз чист. Маскав барои ӯ мактаби азиме шуд, ки дар он ҳам касбан ва ҳам маънавӣ рушд мекунад.
Оё вақти издивоҷ расидааст?
"Кай издивоҷ мекунӣ?" саволи маъмултаринест, ки Таҳмина ҳангоми ба Тоҷикистон омаданаш дучор меояд.
"Вақти издивоҷат расидааст" - ин суханон ҳамеша туро иҳота хоҳанд кард, агар дар Тоҷикистон зиндагӣ кунӣ. Хешовандон, шиносон, дӯстони - ҳама атрофиён ин саволро медиҳанд",- қайд мекунад Ниёзова.
Дар Тоҷикистон ба Таҳмина пешниҳодҳои издивоҷ шуд, аммо бо шартҳои муайян: аз санъат даст кашидан, зани дуюм шудан. Ҷавондухтар чунин пешниҳодро рад кард.
"Ман маҷбур будам, ки зиндагии худро комилан иваз кунам, дар хона бимонам, суруд хонам. Ман исёнгар ҳастам ва намехоҳам ба менталитети тоҷикӣ мутобиқ шавам: ман бояд издивоҷ кунам, зеро ҳамсояҳо чӣ фикр мекунанд ... Ман мехостам, ки маро на аз рӯйи он ки суруд мехонам, балки ҳамчун духтар дӯст доранд. Ман мефаҳмам, ки сурудхониро аз байн бурдан мумкин нест, аммо новобаста аз он ки дар Тоҷикистон бо кӣ мулоқот мекардам, имкони ба таври ҳақиқӣ нишон додани худро надоштам. Дар як кишвари хориҷӣ бо тамоми мушкилот, бурдборӣ ва нокомиҳо ту ҳамон Тахмина ҳастӣ", - мегӯяд зани тоҷик.
Дар бораи дохилшавӣ ба донишгоҳ
Соли 2008, пас аз пирӯзӣ дар озмуни "Панҷ ситора. Интервидение" ба Тахмина пешниҳод шуд, ки ба Академияи мусиқии Русия ба номи Гнесин ворид шавад. Аммо ӯ ба корҳои консертӣ дар Тоҷикистон банд шуд ва ин фурсатро аз даст дод.
"Пас аз он волидон гуфтанд:" Ту духтар ҳастӣ, наметавонӣ ба он ҷо, ба шаҳри калон равӣ", - ба ёд меорад Ниёзова.
Дар бораи ба Донишкадаи санъати муосир дохил шудани Таҳминаро оилааш танҳо пас аз як соли таҳсил фаҳмид.
"Ба назди волидонам бо дафтарчаи санҷишӣ омадам, ки дар он ҷо баҳои хуб дошт. Ман танҳо хомӯшона дар назди модар ва падари худ дафтарчаро кушодам", - мегӯяд санъаткор.
То ба Донишкадаи санъати муосир дохил шудан, Таҳмина аллакай ду маълумоти олӣ дошт: дипломи сурхи Донишгоҳи словянии РусиявуТоҷикистон бо ихтисоси журналистика ва Донишкадаи давлатии молия ва иқтисодиёти Тоҷикистон дар самти менеҷмент. Ғайр аз ин ӯ номзади илмҳои филологӣ мебошад.
Тахмина Ниёзова ҳеҷ гоҳ дар Тоҷикистон консерти алоҳида надодааст. Ӯ мехоҳад аввалин чунин консерти худро хайриявӣ кунад.
"Ҳама маблағҳое, ки аз фурӯши чиптаҳо, CD-ҳо ҷамъоварӣ мешаванд, ба Бунёди кӯмак ба кӯдакони гирифтори саратон ворид мешаванд. Аз сабаби бемории саратон хоҳарзодаи ман чанд сол пеш фавтид. Вай кӯдаки хеле боистеъдод буд. Нигоҳубинаш ба ман кӯмак кард, ки фаъолияти эҷодии худро аз нав дида бароям. Ман намехоҳам танҳо сароянда бошам, ин барои ман нест. Агар ба ман истеъдоди суруд хондан дода шуда бошад, бигзор барои некӣ бошад ", - мегӯяд ҳунарманд.
Овозхон ният дорад, ки сафари ҳунарии худро дар Хуҷанд, ки бобояш таваллуд шудааст, оғоз карда, сипас бо ҳамон барнома дар Душанбе баромад кунад.
